Mongghul erzdarning özini öltürüwélish weqesi namayishqa seweb boldi
2015.01.28
Ichki mongghulning paytexti kökxotqa yer dawasi qilip kelgen 45 yashliq mongghul erzdar tömurning 19 - yanwar özini öltürüwélish weqesidin kéyin, kökxot shehiridiki 300 din artuq mongghul erzdarning naraziliq namayishi yüz berdi.
Chet'ellerdiki mongghul teshkilatliridin jenubiy monggholiye uchur merkizining erkin asiya radiyosigha bildürüshiche, 26 - yanwar düshenbe küni kökxot shehiride namayish qilghan 300 din artuq mongghul erzdar hökümettin yaylaqni charwichilargha qayturup bérishni'i, mongghul charwichiliri üchün adalet telep qilidighanliqini bildürüp sho'ar towlighan.
Yéqinqi birqanche yildin buyan ichki mongghulda mongghullarning yaylaqlirini igiliwalghan xitay shirketliri bilen yerlik mongghul charwichilarning ziddiyiti kücheygen. Bu seweblik yerlik mongghul charwichiliri yaylaq dawasi we bulghan'ghan muhitqa naraziliq bildürüp köp qétim naraziliq namayishi élip barghan. Ötken hepte yeni 20 - yanwar küni ichki mongghulning shilin'ghul yayliqida mongghul charwichilirining naraziliq namayishi yüz bergen idi.