Norwégiye shirketliri mejburiy emgekke chétishliq xitay shirketlirige ghayet zor meblegh salghan

Muxbirimiz eziz
2021-08-31
Share

Yéqinda norwégiyening yéngilinidighan énérgiye sahesidiki xizmetchilirining ghayet zor sommiliq banka amanet pullirini özlirimu bilmigen halda mejburiy emgek bilen chétishliq xitay shirketlirige pay meblighi qilip salghanliqi melum bolghan.

"Norwégiye radiyo-téléwiziye shirkiti" ning 26-awghusttiki tekshürüsh doklatida körsitilishiche, norwégiyediki "Forinbar énérgiye shirkiti" öz xizmetchilirining 370 milyon norwégiye kroni (texminen 43 milyon amérika dollirigha yéqin) banka amanet pulini Uyghur diyaridiki üch chong énérgiye shirkitige pay meblighi qilip salghan. Bular "Shinjang altun shamal énérgiye shirkiti", "Jinko quyash énérgiye shirkiti" we "Dachu'en yéngi énérgiye shirkiti" iken.

Xewerde éytilishiche, bu heqtiki tekshürüsh doklatliri bu üch shirketning birdek lagérlargha qamalghan Uyghurlarni melum mezgillik tutqunluq hayatidin kéyin "Ishqa orunlashturush" namida mejburiy emgekke séliwatqanliqini delillep chiqqan. Bu énérgiye shirketlirining pay chekliri xelq'ara pay chéki bazirigha sélin'ghan bolup, norwégiye yéngilinidighan énérgiye sahesi öz xizmetchilirining qerellik banka amanet pullirini "Yéshil énérgiye" dep atalghan bu shirketlerning énérgiye ishlirigha pay qilip salghan.

Bu heqtiki ehwallar ashkara bolghandin kéyin, forénbar énérgiye shirkiti bayanat élan qilip: "Shirkitimizning mejburiy emgekke chétishliq bu shirketlerning pay chékini sétiwélishi pütünley bu heqtiki ehwallardin xewersiz bolghanliqtin kélip chiqqan. Biz nöwette bu heqtiki ehwallarni tepsiliy qarap chiqip bu heqte bashqiche qarar almaqchimiz," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet