Prézidént obama ramizanliq iptar berdi

Muxbirimiz erkin
2013-07-26
Élxet
Pikir
Share
Print

Amérika prézidénti obama peyshenbe küni aqsarayda amérikiliq musulmanlargha ramizanliq iptar berdi. Amérika prézidéntlirining her yili musulmanlargha ramizanda iptar bérishi adetke aylan'ghan. Bu qétimqi iptar prézidént obamaning 2009‏-yili wezipige olturghandin buyan 5‏-qétim iptar bérishidur.

U, iptar ziyapitide qilghan sözide: ramzan musulmanlar üchün özini ipadilesh waqti. Ibadet we roza tutush arqiliq allahgha qulluq bildürüsh pursiti. Biraq bu shuning bilen birge, biz bügün bu yerde jem bolghandek a'ile we dostlarning söygü we hörmet ichide bir yerge jem bolup, bir -birimizge bolghan mes'uliyetchanliqimizni, shundaqla qoshna -qolum we arimizdiki muhtajlargha yardem qilish mes'uliyitimizni tekrarlash waqtidur, dep körsetti.

Aqsaraydiki iptargha amérikiliq musulman karxanichilar, hökümet emeldarliri, diniy sahediki zatlar, ammiwi teshkilat wekilliri teklip qilindi. Prézidént obama iptar ziyapitidiki sözide yene, amérikiliq musulmanlarning amérika tereqqiyatigha qoshqan töhpisini medhilep: tariximiz boyiche islam dölitimizning xaraktérige hesse qoshti. Musulman amérikiliqlar we ularning japaliq xizmiti dölitimizning qurulushigha yardem qildi. Biz bügün buning netijisini körmektimiz, dédi.

Amérika prézidéntlirining her yili ramizanda musulmanlargha iptar bérish aditi, sabiq prézidént bil klinton dewridin bashlan'ghan.

Toluq bet