Pakistanning ku'ét doxturxanisidiki partlashta 70 tin artuq adem öldi

Xelq'ara taratqularning pakistan hökümet organlirining xewerliridin neqil élishiche, 8-awghust pakistanning balochistan ölkisi ku'ét shehiridiki hökümet doxturxanisida yüz bergen özini qoshup partlitishta, mezkur doxturxanida ölüp ketken mezkur ölke adwokatlar jem'iyitining bashliqi adwokat bilal eniwer kasining matem murasimi üchün kelgen 100 ge yéqin adwokat we muxbirlardin 70 tin artuq adem ölüp, 112 adem yarilan'ghan.

9-Awghust seyshenbe küni pakistan saqchi terep bayanat bérip, partlashning adem bomba hujumi ikenlikini élan qildi. Taratqularda pakistandiki talibanlar we da'ésh térrorluq teshkilatining mes'uliyetni öz üstige alghanliqi xewer qilinmaqta. En'gliye b b s agéntliqning xewiride déyilishiche, hujumning jawabkarliqini pakistandiki talibanlardin “Erkinlik partiyisi” yeni jama'at-ul-ahrar üstige élip, bir kün ilgiri mezkur doxturxanida öltürülgen meshhur adwokat bilal eniwer kasini öltürüsh weqesi we shu küni mezkur doxturxanida yüz bergen özini qoshup partlitish hujumini özlirining élip barghanliqini bildürgen.

Seyshenbe küni pakistan bash ministiri nawaz sherif yazma bayanat élan qilip, hujumni eyibligen we bigunah insanlarning hayatidin ayrilghanliqidin chongqur qayghurghanliqini bildürgen.