Putinning qazaqlarning dölet qurmighanliqigha a'it sözi endishe peyda qildi

Muxbirimiz ümidwar
2014-09-07
Share

Yéqinda qazaq aktipliri rusiye prézidénti wladimir putin we qazaqistan prézidénti nursultan nazarbayéfqa "Qazaq tarixi" kitabini oqushi üchün pochta arqiliq ewetip bergen bolup, buninggha seweb bolghan nuqta her ikkila prézidéntning ilgiri - kéyin qazaqlarning tarixta qazaqistan tupriqida dölet qurmighanliqi heqqidiki sözliridur.

Amérika awazi radi'osining xewer qilishiche, rusiye prézidénti wladimir putin 29 - awghust küni , u ukra'ina krizisi heqqide toxtalghanda nazarbayéfni tilgha élip,"U yégane ishni emelge ashurdi, yeni u héchqachan dölet bolmighan zéminda dölet qurdi. Qazaqlarning döletchiliki bolmighan idi" dégen.

Bu söz qazaqistan jama'itide küchlük ghulghula keltürüp chiqarghan bolup, hetta putining bu sözi üchün nursultan nazarbayéf qazaqistanning tamozhna ittipaqidin chiqip kétishi mumkinlikini eskertken. Putinning sözi qazaqistanda endishe peyda qilghan.

Perghane uchur torining xewer qilishiche, qazaqistan prézidénti nazarbayéf özi 2011 - yili, 27 - iyul küni almuta oblastidiki bir pa'aliyette "Héchqachan qazaq döliti bolmighan hem chégrasimu bolmighan idi... Qazaqlar héchqachan öz ixtiyari boyiche özlirining paytextini qurmighan idi.." dégendek sözlerni qilghandin kéyn qazaqistan jem'iyitide küchlük ghulghula qozghilip ketken idi.

Qazaqistan aktipliri putin we nazarbayéfning qazaq tarixini öginishi üchün 1943 - yili qazaq we rus tarixchiliri birliship yazghan "Qazaqistan s s r tarixi" we kéyin yézilghan qazaq baturi kénsar qasimofning ruslargha qarshi qozghilang tarixigha a'it kitabni ewetip bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet