Хитай уйғур районидики хәвәр қилинмиған бир қисим қанлиқ вәқәләрни қисмән ашкарилиди

Мухбиримиз шөһрәт һошур
2016-01-26
Share

Хитайниң "йәр шари вақти" гезити қатарлиқ дөләт ахбарат васитилири өткән һәптә хитай қораллиқ қисимлириниң аталмиш террорлуққа қарши һәрикәтлирини мәдһийәләп елан қилған мақалисидә, өткән йили уйғур районида йүз бәргән, әмма хәвәр қилинмиған үч қанлиқ вәқәни тилға алған.

Хәвәрдә дейилишичә, өткән йилниң мәлум бир күни бир гуруһ аталмиш террорчилар ақсуда коча чарлаватқан қораллиқ сақчи әтритигә һуҗум қилған, һуҗумда вәқә мәйданиға бир аптомобилда кәлгән һуҗумчилар сақчи аптомобилиға вә әтрапиға қара-қоюқ бомба ташлиған. Хәвәрдә дейилишичә, учтурпан наһийилик қораллиқ қисим әтрити һуҗумчиларни қоршавға елип вәқәни бесиқтурған.

Хәвәрдә йәнә дейилишичә, өткән йилниң мәлум бир күни бир гуруһ аталмиш террорчилар түн кечидә мәлум бир сақчиханиға һуҗум қилған, бу һуҗум йүән шявпиң исимлик бир әтрәт башлиқиниң қоманданлиқида бир тәрәп қилинған. Хәвәрдә баян қилинишичә бу вәқәниң бир тәрәп қилинишида сақчиларниң орун җәһәттики әвзәллики муһим рол ойниған. Хәвәрдә вәқәниң ениқ вақти вә орниниң йошурулуши, вәқәдә өлгән-яриланғанлар саниниңму тилға елинмаслиқи хәлқара вәзийәт көзәткүчилириниң диққитини тартти.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт