Qazaqistan Uyghur aptonom rayonining asasliq soda shérikige aylan'ghan

Washin'gtondin muxbirimiz uyghar teyyarlidi
2024.04.23

“Ottura asiya waqti”  (The Times of Central Asia) torining  2024-yili 4-ayning 23-künidiki xewiride déyilishiche, 2024-yili birinchi pesilde qazaqistan Uyghur aptonom rayonining asasliq soda shérikige aylan'ghan. Yil béshidin bashlap, Uyghur aptonom rayoni dunyadiki 193 dölet we rayon bilen soda qilghan. Qazaqistan we qirghizistan bilen bolghan import we éksport miqdari ayrim-ayrim halda%58.8 We %1.9 Ashqan..

Xitay bash tamozhna mehkimisi (GCA) ning doklatigha qarighanda, bultur qazaqistan bilen Uyghur  aptonom rayoni otturisidiki soda oboroti %63 éship, 20 milyard 300 milyon dollargha yetken.

Hazir qazaqistan  Uyghur élining eng chong we asasliq soda shérikige aylan'ghan.

2023-Yilining aldinqi yérimida xitay qazaqistanning asasliq soda shérikige aylinip, rusiyening aldigha ötken. Xitay qazaqistanni aptomobil, kompyutér we pilastik matériyal  qatarliq mehsulatlar bilen teminlesh bilen birlikte  qazaqistandin néfit, tebi'iy gaz, uran we bashqa rudilarni import qilmaqta.

Jorji washin'gton uniwérsitétining xelq'ara munasiwetler piroféssori doktor shan robérts (Sean R. Roberts)  Ning qarishiche, qazaqistan bilen xitay otturisidiki bu yéqin munasiwet burunla bashlan'ghan iken. Rusiyening ukra'inagha tajawuz qilishi we barghanséri küchiyiwatqan rusiye tehditi we rusiyege yürgüzülgen köpligen cheklime we émbargolar qazaqistanni xitaygha téximu yéqinlashturmaqtiken. 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.