Xelq'ara qelemkeshler jem'iyiti tutqundiki Uyghur sha'iri chimen'gül awat üchün chaqiriq élan qildi
2020.11.13
Xelq'ara qelemkeshler jem'iyiti 9-noyabir tutqundiki yétük Uyghur sha'iri chimen'gül awut heqqide chaqiriq élan qilghan. Yazghuchilarning mezkur xelq'ara teshkilati chaqiriqida, kishilerni “2020-Yilliq türmidiki yazghuchilar küni chimen'gül awut üchün heriketke ötüshke” chaqirghan. Chimen'gül awut qeshqer Uyghur neshriyatining tehriri bolup, 2018-yili 7-ayda mezkur neshriyatning chimen'gül awutni öz ichige alghan 13 neper xadimi biraqla tutqun qilin'ghan.
Chimen'gül awutning ataqliq yazghuchi xalide isra'ilning “Altun kesh” namliq romanini tehrirligenliki seweblik tutqun qilinip, “Qayta terbiyelesh lagéri” gha élip kétilgenliki ilgiri sürülgenidi. Xelq'ara qelemkeshler jem'iyiti chaqiriqida, “Qayta-tebiyelesh lagérliri” ning qanunsiz ikenliki, chimen'gül awutqa sot teripidin héchqandaq höküm élan qilinmighanliqi, uning salametlik ehwali we hazirqi halitining melum emesliki, “Chimen'gül awutning jazalinishini uning ipade erkinlikige qilin'ghan éniq buzghunchiliq” dep qaraydighanliqi, “Uni derhal we shertsiz qoyup bérishke chaqirighanliqi” tekitlen'gen.
Xelq'ara qelemkeshler jem'iyiti kishilerni xitayning shi jingping, chén chüen'go qatarliq emeldarlirigha, uning b d t diki wekillirige xet yézip, chimen'gül awutning hazirqi ehwalini ashkarilishi, uning ehwalini musteqil éniqlashqa yol qoyush hem uning xizmetdashlirini derhal we shertsiz qoyup bérishni telep qilishqa chaqirghan. Chimen'gül awut yétük Uyghur sha'irlirining biri bolup, uning shé'irlar toplimi 2008-yili xitayning memliketlik “Tulpar” edebiyat mukapatigha érishkenidi.