D u q ramizan mezgilidiki diniy ziyankeshlik heqqide bayanat élan qildi

Muxbirimiz eziz
2019-05-07
Élxet
Pikir
Share
Print

Pütün dunya musulmanliri ramizanliq pa'aliyetler bilen aldirash boluwatqanda Uyghurlarning öz wetinide ramizanliq héchqandaq pa'aliyet bilen meshghul bolalmasliqi hemde qatmu-qat diniy ziyankeshlikke uchrawatqanliqi d u q 7-may küni élan qilghan bayanatta yene bir qétim alahide tekitlendi.

Bayanatta Uyghurlar ötken yillardin buyan duch kéliwatqan diniy libaslarning men'i qilinishi, diniy buyumlarning cheklinishi, diniy pa'aliyetlerning jinayetke sundurulushi, diniy eslihelerning weyran qilinishi qatarliq bir qatar buzghunchiliq heriketliri sanap ötülidu. Shundaqla xitay hökümitining diniy mu'essesilerni xitay kompartiyesi üchün zor tehdit, dep qarap kelgenliki, shu sewebtin Uyghurlarning barliq diniy pa'aliyetlirini cheklewatqanliqi körsitilidu.

Bayanatta yene xitay hökümitining diniy cheklimilirini "Uyghur millitini pütünley assimilyatsiye qiliwétishtek zor pilanning bir qismi, xalas" dep körsitish arqiliq, hazir lagérlargha qamashta diniy étiqadni ölchem qilishning yuqiri pellige chiqiwatqanliqi, xitay hökümitining islam dinini "Rohiy késellik" dep atash arqiliq uni pütünley "Süpürüp tashlash" qa atlan'ghanliqini, bu halning bu yilqi ramizan mezgilide téximu ewjige chiqqanliqi tekitlinidu.

D u q ning re'isi dolqun eysa bu heqte toxtilip: "Xitay dunyagha özlirining diniy étiqadqa hörmet qilidighanliqi heqqide wez éytip kéliwatidu. Emma Uyghurlarni bu jehettiki barliq heqlerdin mehrum qalduruwatidu" deydu.

Toluq bet