Sayragülning xitaygha qayturulmasliqi Uyghur diyaridiki yene bir qisim ehwallarni ashkarilidi

Muxbirimiz eziz
2018-08-03
Share

Qazaqistan'gha qéchip chiqqan sayragül sawutbay ilgiri Uyghur diyarining mongghulküre nahiyisidiki "Terbiyilesh merkizi" dep atiliwatqan yighiwélish lagérida xitay tilidin ders ötken. U qazaqistan'gha chiqqandin kéyin özi lagérda körgen qabahetlik ehwallarni tashqi dunyagha ashkarilighanliqi üchün 1-awghust küni qazaqistan soti uni xitaygha qayturmasliqqa höküm qilghan idi.

Uning "Yer shari we pochta" gézitining muxbirigha éytip bérishiche, bu lagérdiki kishiler arisida birmu xitay mehbus yoq iken. Mehbuslargha mejburiy yosunda xitayche ögitilidighan bolup, buni qattiq wezipe qatarida ijra qilish shert iken, buni ret qilishqa héchkimning heddi emes iken. Ular her küni "Kompartiye bolmisa yéngi junggo bolmaytti" dégen inqilabiy naxshini éytishi lazim iken. Lagérdikiler birer éghiz xata gep qilip salmasliq üchün etigenliki oyghan'ghandin tartip ghizalan'ghan yaki taharet sundurghan waqitlardimu éghizlirini ching yumuwalidiken. Shunga bu jayda herqachan timtasliq höküm süridiken. Lagérdikilerning tamiqi "Shifen", köktat shorpisi we nan bolup, ulargha gösh bérilmeydiken. Emma ashu tamaqlarmu toyghudek bérilmeydiken.

"Yer shari we pochta" gézitining 2-awghusttiki xewiride éytilishiche, sayragül qoyup bérilip etisi mezkur gézitning muxbirining ziyaritini qobul qilghan. Emma shu künning özidila uning Uyghurlar diyaridiki singlisi we ikki dosti tutqun qilin'ghan. Sayragül bu heqte söz qilip: "1-Awghust küni kech sa'et 6 de sot méni azad qildi. Emma bu xushalliqim bir sotkimu dawam qilmidi. Yéqin kishilirim bir kün ötüpla mana mushu yosunda közdin yütti. Shübhisizki, bu xitay hökümitining öch élish herikiti" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet