Ши җинпиңниң сәуди әрәбистан зияритидә 14 келишим имзаланди

Хитай дөләт рәиси ши җинпиң 19-20-январ күнлири сәуди әрәбистанда икки күнлүк дөләт зияритидә болди. У сәуди әрәбистан падишаһи абдул әзиз әл сәуди билән көрүшүп, икки дөләт мунасивәтлири һәққидә сөһбәт өткүзди.

Фирансийә агентлиқиниң хәвәр қилишичә, зиярәт җәрянида икки дөләт арисида 14 келишим имзаланди. Хәвәр қилинишичә, сәуди әрәбистан билән хитай арисидики бу келишимләр санаәт, бихәтәрлик, тәтқиқат вә тәрәққият, пән-техника, сүний һәмраһ системиси вә башқиларға аит икән. Сәуди әрәбистан нефит ширкити билән хитай дөләтлик нефит ширкити һәмкарлиқ келишими имзалиған.

Шинхуаниң хәвәр қилишичә, ши җинпиң өзиниң мәзкур тунҗи сәуди әрәбистан зиярити җәрянида риядта ислам һәмкарлиқ тәшкилатиниң баш катипи ияд билән көрүшүп пикир алмаштурғанда“хитай билән ислам дөләтлири тәбиий, әнәниви достлуқ мунасивитигә игә, җуңго мәңгү ислам дөләтлириниң яхши дости, яхши шерики, яхши қериндиши болиду” дегән һәм хитайниң ислам һәмкарлиқ тәшкилати билән болған һәмкарлиқни күчәйтиш үмидини билдүргән.

Ши җинпиң бу қетимқи сәпиридә йәнә, сәуди әрәбистан билән болған дипломатик мунасивәтлири үзүлгән иранниму зиярәт қилип, иран президенти һәсән роһаний билән көрүшидикән.

Ши җинпиңниң рияд вә теһранни зиярәт қилиши анализчиларниң инкаслирини қозғимақта.