Shi jinping “Besh dölet guruhi” ning yighinida xelq'ara imbargoni “Süyi'istémal qilish” ni eybligen

Muxbirimiz erkin
2022.06.24
Share on WhatsApp
Share on WhatsApp

Amérika “Uyghur mejburiy emgikining aldini élish qanuni” ni ijra qilishqa bashlighan bir waqitta, xitay rehbiri shi jinping 23-iyun ötküzülgen “Besh dölet guruhi” bashliqlirining tor yighinigha qatniship, xelq'ara imbargoni “Süyi'istimal qilish” ni eybligen.

Braziliye, rusiye, hindistan, xitay we jenubiy ariqani öz ichige alghan “Besh dölet guruhi” bashliqlirining yighini, amérika hökümiti 21-iyundin bashlap Uyghur élida ishlepchiqirilghan herqandaq mehsulatning amérikagha kirishi üchün mejburiy emgekke chétilmighanliqigha a'it “Éniq we qayil qlarliq deliller” ni körsitishni telep qilishining arqisidinla ötküzülgen.

Bu yighin yene rusiye ukra'inagha qilghan qoralliq tajawuzi sewebidin qattiq xelq'ara imbargogha uchrighan bir waqitta chaqirilghan. Roytérs agéntliqining xewer qilishiche, yighinda shi jiping, braziliye, rusiye, hindistan, jenubiy aqriqani ‍iqtisadiy nopuzidin alghan mejburiyetlerni üstige élishqa chaqirghan, b d t ni baza qilghan köp qutupliq “Heqiqiy xelq'ara sistéma” üchün des turushqa ‍ündigen. Uning éytishiche, “Soghuq urush tepekküri, lagérlargha bölünüp qarshilishish, bir tereplik imbargo we imbargoni süyi'istémal qilishqa qarshi turush kérek,” iken.

‍Analizchilarning éytishiche, milyonlighan Uyghurni mejburiy emgek küchlirige aylandurup ishlepchiqarghan mehsulatliri amérika qanunining qattiq imbargosigha uchrighan xitay rehbiri bu sözler arqiliq, rusiye rehbirigimu pas chiqarghan.

Shi jinping mundaq digen: “Bizning bügünki yighinimiz insaniyetning kélechikige munasiwetlik halqiliq bir peytte ötküzüldi. Yéngi gülliniwatqan bazar we tereqqiy qiliwatqan döletler bolush süpitide ‛besh dölet guruhi‚ dikiler mes'uliyitimizni kücheytishimiz kérek.”

Xitay re'isi shi jinping bu sözlerni xitay Uyghurlargha irqiy qirghinchiliq qilish, xelq'ara kishilik hoquq ‍ölchemlirini depsende qilip, xelq'ara qanunlardiki üstige alghan mejburiyitige xilapliq qilish bilen eybliniwatqan bir waqitta éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.