B d t xitayning shimaliy koriyelik musapirlarni ötküzüp bergenlikini tenqid qildi

B d t kishilik hoquq komissariyati we musapirlar orgini jüme küni xitay bilen la'osning 9 neper shimaliy koriyelik musapir yashni dölitige mejburi qayturup bergenlikini tenqidlep, ularning bu herikitidin chöchügenlikini bildürdi.

B d d t kishilik hoquq aliy komissarining bayanatchisi robért kolwél: biz 5 neper kichik balini öz ichige alghan bu bir ochum kishining qoghdashqa érishishidin pewqul'adde endishe qiliwatimiz. Ularning qattiq jazalinish we qopal mu'amilige uchrash xewpi bar. Dégen. La'os da'iriliri buningdin 3 hepte awwal yuqiriqi 9 neper shimaliy koréye musapirini tutup, ötken düshenbe küni xitaygha ötküzüp bergen. Xitay ularni shimaliy koriyege qayturup bergen idi.

Robért kolwél jenwede muxbirlargha bergen bayanatida yene: biz la'os we xitay hökümetlirining musapirlarni qayturmasliq mes'uliyitidin waz kéchishtek bu ehwaldin chöchüduq. Dep körsetken.

Xitay shimaliy koréye musapirlirining jenubiy koriyege qachidighan muhim ötkili. Ular xitay arqiliq sherqiy -jenubiy asiya ellirige ötüp, u yerdin jenubiy koriyege baratti.

Robért kolwél, xitay we la'os danilirini 9 neper shimaliy koriyelik musapirning aqiwiti we ularning qandaq shert astida qayturup bérilgenlikini ashkarilashqa chaqirghan. Bu sherqiy jenubiy asiya rayonidiki döletlerning tunji qétim musapirlarni bashqilargha ötküzüp bérip tenqidke uchrishi emes.

2009‏-Yili 12-ayda kambodzha 20 neper Uyghurni xitaygha ötküzüp bérip, dunyada zor ghulghula qozghighan. Kambodzhaning herikiti amérika we xelq'ara kishilik hoquq organlirining tenqidige uchrighan idi.