Америка малийә министири җәнет йеллен, американиң сирәк топида хитайға тайинишни азайтмақчи икәнликини билдүрди

Мухбиримиз әркин
2022.07.18
Share on WhatsApp
Share on WhatsApp

Америка малийә министири җәнет йеллен, американиң аз учрайдиған қиммәтлик минерал мадда болған сирәк топа, қуяш енергийәси тахтиси вә башқа һалқилиқ мәһсулатларда хитайға тайинишни азайтмақчи икәнликини билдүргән. Униң ейтишичә, америка бу арқилиқ хитайниң башқа дөләтләргә қилғандәк америкағиму тәминләшни үзүп ташлишиниң алдини алмақчи икән.

Ройтерс агентлиқиниң хәвәр қилишичә, 18-июл дүшәнбә күни җәнубий корейә пайтәхти сеолға йетип кәлгән җәннет йеллен, сеолда ройтерс агентлиқиға, өзиниң корейә вә башқа ишәнчлик иттипақдаш дөләтләр билән болған сода алақисини күчәйтип, тәминләш зәнҗириниң бәрдашлиқ бериш иқтидарини яхшилашни, гео-сиясий рәқиблириниң контроллуқиниң алдини елишқа һәрикәт қилидиғанлиқини ейтқан.

Җәннет йеллен мундақ дегән: “бәрдашлиқ беридиған бир тәминләш зәнҗири көп хил тәминләш мәнбәсидин дерәк бериду, шундақла гео-сияси рәқиблиримизниң бизни контрол қилип, бихәтәрликимизгә тәһдит селиш еһтималлиқиниң алдини алидиғанлиқини көрситиду.” җәннет йелленниң ейтишичә, хитай илгири “зорлуқ ишлитип, униң қилмишини қобул қилмайдиған бирқисим дөләтләргә бесим ишләткән. У ; “бу бизниң хитайға тайинип қелишимизни халимаслиқимиздики бир сәвәб икәнликини билимиз” дәп көрсәткән.

Ройтерс агентлиқиниң ейтишичә, юқири дәриҗилик бир америка малийә министирлиқи әмәлдари, бейҗиңниң илгири японийәгә сирәк топа ескпорт қилишни үзүп ташлишини австралийә, литва қатарлиқ дөләтләргә бесим ишлитиштә қоллинишидин кейин, американиң хитайға тайинишни азайтиши ачқучлуқ мәсилисигә айлғанғанлиқини билдүргән. Ройтерс агентлиқиниң ейтишичә, гәрчә җәннет йеллен хитай тоғрисида қаттиқ сөзләрни қилған болсиму, бирақ у йәнә хитай билән болған мунасивәтниң “пүтүнләй сәлбий яки наһайити еғир дүшмәнлик дәриҗисигә кеңәймигәнлики” ни ейтқан.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.