Zélénisky, xitay teywen'ge hujum qilishtin burun dunyani teywen'ge yardem bérishke chaqirghan

Muxbirimiz erkin
2022.06.13
Share on WhatsApp
Share on WhatsApp

Ukra'ina prézidénti zélénisky 11-iyun shenbe küni sin'gaporda ötküzülgen shang-rila asiya bixeterlik di'alogi yighinida tor arqiliq nutuq sözligende, dunyaning xitay teywen'ge hujum qilishtin burun uninggha yardem bérishi kéreklikini bildürgen. Uning éytishiche, xitay teywen'ge hujum qilishtin burun dunya “Aldini élish xaraktérlik tedbirlerni qollinishi kérek” iken. Zéléniskiy yighinda sözligen nutqidin kéyin muxbirlarning so'allirigha jawab bergende “Washin'gton pochtisi” gézitining obzorchisi josh rogénning “Xitayning qoralliq hujum qilish xewpidiki teywen'ge qandaq tewsiyeliringiz bar?”, dégen so'aligha bu jawabni bergen.

Josh rogén 11-iyun “Washin'gton pochtisi” da élan qilghan obzorida, zéléniskiyning öz sözining xitayni bi'aram qilishigha qarimay, tajawuzchilar qeyerde peyda bolsa, ulargha qarshi turush kéreklikini, teywen krizisining partlishini saqlap turmasliqni, asiyadiki döletlerning yawropa rusiye prézidénti wladimir putinning ukra'inagha hujum qilishta sadir qilghan xataliqini sadir qilmasliqini tekitligenlikini bildürgen. Zélénskiy, ukra'inaning dunya üchün bir sawaq ikenliki, urushning aldini élish üchün teyyarliq qilish kéreklikini bildürgen.

U yene xitay rehbiri shi jinpingning ismini tilgha almay turup, urushning, hazirqi xirisgha qana'et qilmaydighan siyasiy rehberlerdin bashqa héchkimge paydisi yoqluqini, bu kishilerning “Ishtihasi we xirisi” ning dawamliq yoghinawatqanliqini bildürüp: “Dunya hazirche bu rehberlerning ishtihalirini yoghinitishigha yol qoymaqta. Shunga, yardemge éhtiyajliq bolghan döletlerni qollaydighan diplomatiyelik charilerge éhtiyajimiz bar” dégen.

Biraq zéléniskiyning éytishiche, “Xelq'ara jem'iyet weziyet jiddiyliship zorawanliqqa aylinishtin burun kichik döletlerning tajawuzgha taqabil turalishigha kapaletlik qilishi, ularni maliye, zémin we qoral-yaraq jehette küchlük döletlerning rayigha tashlap qoymasliqi kérek” iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.