Yéngi tamozhna béjining yolgha qoyulushi tému we shé'in'ge qattiq zerbe béridu dep qaralmaqta

Amérika taratquliri, tramp hökümitining xitaygha qarshi yolgha qoyghan yéngi tamozhna béjining amazonni qaytidin eslige keltürüp, xitay shirketliri bolghan tému we shé'inning amérikada téz sür'ette ösüshige qattiq zerbe béridighanliqini ilgiri sürgen.

CNBC Ning xewirige asaslan'ghanda, tramp hökümitining xitaygha qarshi yéngidin yolgha qoyghan tamozhna béjining amazon'gha yéngi pursetlerni élip kélip, tému we shéyin'gha oxshash xitayning tor arqiliq parche sétish shirketlerning amérikadiki soda “Yochuqi” ni “Suyi'istémal qilish” arqiliq tiz sür'ette tereqqiy qilishining aldini alidiken.

 Pirézidént donald trampning yéngi tamozhna béji, yeni amérikagha kélidighan barliq xitay malliridin 10 pirsent tamozhna béjini qoshup élish 2-féwral seyshenbe künidin bashlap yolgha qoyulghan. Buninggha asaslan'ghanda, amérika-xitay tamozhna béjigha mensup mehsulatlarning tamozhna béji kechürüm qilinip sétilishini chekleydiken. Shuningdek 800 dollarghiche bolghan posulka (xalta) larning burunqidek tekshürülmestin we baj qoyulmastin amérikagha kirishige yol quyulmaydiken.

Alaqidar mes'ullarning éytishiche, yéqindin buyanqi 800 dollardin töwen bolghan mallarning chettin kirgüzülüp amérikada sétilish miqdarida yüz bergen partlash xaraktérlik ehwal asasliqi xitay bilen munasiwetlik torda parche sétish supisi bolghan “Shé'in”, “Tému” bilen baghlinishliq iken. Shunga pirézidént donald trampning yéngi tamozhna béjini yolgha qoyup 800 dollarghiche bolghan posulka (xalta) larning burunqidek tekshürülmestin we baj qoyulmastin amérikagha kirishige yol qoyulmasliqi “Shé'in” we “Tému” gha qattiq zebe bérip, amazon'gha zor riqabet küchi ata qilidiken.

 Mutexessisler, her küni 4 milyon posulkining tamozhnidin tekshürülmey ötüshini “Yochuq” dep atighan. Shé'in we témugha oxshash xitayning erzan bahaliq parche satquchilirining bu “Yochuq” tin paydilinip, Uyghur mejburiy emgiki bilen ishlen'gen kiyim-kécheklerni biwasite amérikaliqlargha sétishini eyiblep kelmekte.