Tarim néfitlikidin her küni 71 milyon kubmétir tebi'iy gaz toshuldi

Muxbirimiz ümidwar
2017-01-15
Share


Xitay döletlik néfit-tebi'iy gaz shirkiti Uyghur diyaridiki tarim néfitlikidin 2017-yili, 1-ay ichide, qattiq soghuq tüpeylidin ottura hésab bilen bir künde sirtqa toshulidighan teb'iy gaz miqdarini 71 milyon kupmétirdin ashurghan.

Shinxu'a torining bu heqtiki xewride körsitilishiche, tarim néfitliki shangxey shehirini merkez qilip, xitayning sherqi rayonlirini tebi'iy gaz bilen teminleshke mes'ul bolmaqta. Tarim néfitliki köp yillardin buyan gherbning gazini sherqqe toshush layihisi boyiche xitayning sherqi rayonidiki 13 ölke we sheherning 300 milyondin artuq ahalisini tebi'iy gaz bilen teminlewatqan bolup, 2016-yili tarim néfitliki 23.5 Milyard kubmétir tebi'iy gaz ishlepchiqarghan, buning ichide 19 milyard 300 milyon kubmétir tebi'iy gaz gherbning gazini sherqqe toshush programmisi boyiche sherqiy xitay rayonlirini teminlesh üchün ishlitilgen.

Tarim néfitliki yene yéqinqi bir qanche yildin buyan tarim oymanliqi etrapidiki aqsu, qeshqer, xoten, qizilsu we bayin'gholin qatarliq wilayet hem oblastlarnimu tebi'i'i gaz bilen teminleshke kirishken bolup,emma bu tarim néfitliki alghan tebi'iy gazning az miqdarni igileydu. Mesilen, ötken yili ishlepchiqarghan 23.5 Milyard kup métir tebi'iy gazning 3 milyard kubmétirila jenubiy Uyghur rayonini temi leshke ishlitilip, qalghan zor qismi pütünley sherqiy xitaygha toshulghan

Yerlik Uyghurlarning éytishiche, Uyghur diyarining jenubigha eng kembeghel nahiyiler jaylashqan bolup, Uyghur diyaridiki üch wilayet we bir oblast ahalisining mutleq kop qismi namrat ahalilardur. Nurghun yéza-qishlaqlardiki namrat Uyghur ahaliliri téxi tebi'iy gaz ishlitishtin bixewer we yaki qurbi yetmey yashimaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet