Taylandtiki bomba weqesige chétishliq ikki Uyghur yene sotlandi


2016-04-20
Share

Roytérs agéntliqining xewirige qarighanda, 20 - aprél küni bangkok érawan ibadetxanisi bomba partlash weqesige alaqidar ikki Uyghur herbiy sotta sotlan'ghan.

Ötken yili 17 - awghust küni yüz bergen mezkur weqede besh kishi ölüp, 120 din artuq kishi yarilan'ghan. Eyni waqitta analizchilar we tayland da'iriliri bu qétimqi bomba partlash weqesini "100 Nechche Uyghurni tayland hökümitining xitaygha qayturup bergenlikige qarita Uyghurlarning öch élish herikiti bolushi mumkin" dep guman qilghan idi.

Bu qétim sotqa chiqqan mir'eli yüsüp we adem qaradagh isimlik ikki Uyghur yash özlirige artilghan barliq jinayetlerni inkar qilghan.

Saqchi terepning éytishiche, adem qaradagh ötken yilqi weqe yüz bérishtin sel burun mürisige somka ésiwalghan halette shu jaydiki orunduqta olturghan bolup, bular bixeterlik kamérasida xatirilinip qalghan.

Charshenbe kündiki sotni üch sotchi achqan, emma zasédatillar qatnashmighan. Til jehettiki oxshimasliq tüpeylidin sot jeryanidiki in'glizche - taylandche- Uyghurche terjime xizmiti nahayiti qiyinda tamamlan'ghan.
Mir'eli yüsüp roytérs agéntliqigha bu sotning "Nahayiti uzun'gha sozidighanliqini" perez qilidighanliqini bildürgen.

Saqchi da'iriliri yene bangkok bomba hujumigha munasiwetlik 15 adem üstidin tutush buyruqi chiqirilghanliqi, emma bularni hazirghiche tapalmighanliqini bildürgen.

Mir'eli yüsüp we adem qaradagh bu yil féwral herbiy sotta sotqa tartilghan. Ular eyni chaghdimu özlirige artilghan barliq jinayetlerni ret qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet