Toli nahiyisi we ili wadisidiki qattiq yamghur we kelkün ensizlik peyda qildi

Muxbirimiz méhriban
2016-08-02
Share

Xitay xewerliridin melum bolushiche, 28-29-iyul künliri chöchekning toli nahiyisidiki qattiq yamghur din kéyin, 31-iyul we 1-awghust künliri ili derya wadisidiki künes, tékes we ghulja nahiyiliridimu qattiq yamghur yéghip bu yil yaz peslidiki 2-qétimliq qara yamghur we kelkün apiti yüz bergen.

Yerlik hökümet da'iriliri bayanatida apetning éghir bolghanliqini bildürüp, apetke uchrighan xelqning könglini emin tapquzush üchün qutquzush ishlirining jiddiy élip bériliwatqanliqi we rayon weziyitining muqimliqigha kapaletlik qilishqa tirishiwatqanliqini bildürgen.

Ghulja nahiyisidin radiyomiz ziyaritini qobul qilghan bir xanim bu qétimqi qattiq yamghur peqet ikki künla yaqqan bolsimu, emma yamghurdin kéyinki kelkünde apetke uchrighanlarning bu yil 6-aydiki ramizan mezgilide yüz bergen 10 künlük qara yamghur we kelkün apitige oxshashla, déhqanlarning turalghu öyliri, mal-qotanliri örülüp kétish, étizlirini su bésip kétishtek aqiwetlerni élip kelgenliki, gerche hökümet xewerliride qutquzush ishlirining élip bériliwatqanliqi xewer qilinsimu, emma déhqanlarning bu yil yazdiki ziyanlirining ulargha zor iqtisadiy ziyan we éghir rohi bésim keltürgenlikini bildürdi.

Xitay xewerler torida 28,-29-iyul künliri chöchekning toli nahiyiside yaqqan qara yamghurda, taghdin kelkün kélish, lay-latqilar éqish apiti yüz bérip, tagh otturisidiki oyman'gha jaylashqan toli nahiye baziridiki kochilar su astida qélish, soda bazarliridiki botkilargha su kirip kétish, ammiwi esliheler buzulush, qatnash tosulush ehwalliri körülgenliki xewer qilindi.

Xewerde yene éniqlan'ghan biwasite iqtisadiy ziyanning 7 milyondin ashidighanliqi, nahiyilik hökümetning apettin qutquzush ishlirini élip bérish bilen bir waqitta rayon weziyiting muqimliqigha kapaletlik qilishni tekitligenliki qatarliqlar tilgha élin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet