Уйғур районида абунтларниң тор вә телефонини һәқиқий исими билән тизимлаш нисбити 100 % гә йәткән

Мухбиримиз әркин
2017-06-02
Share

Уйғур аптоном райони өткән йили бәлгилимә чиқирип, пуқраларниң тор вә телефонини һәқиқий исмини билән тизимлаш түзүмини йолға қойған. Хитай ахбарат вастилириниң ашкарилишичә, нөвәттә уйғур аптоном районида абунтларниң тор вә телефонини һәқиқий исми билән тизимлитиш нисбити 100 % гә йәткән. Уйғур райони хитайдики һәр қайси өлкә, аптоном районлар ичидә һәқиқий исми билән тизимлашни 100% гә йәткүзгән бирдин -бир район икән.

Уйғур аптоном районлуқ хәлқ қурултийи өткән йили "телефон вә тор абунтлирини һәқиқий исми билән тизимлашни башқуруш чариси" ни елан қилип, шу йили1‏-үктәбирдин башлап рәсмий йолға қойған. "үрүмчи кәчлик гезити"ниң хәвәр қилишичә, даириләр абунтларни һәқиқий исми билән тизимлашни 1‏-июндин бурун омумлаштуруп болған. Хәвәрдә көрситишичә, башқуруш чариси йолға қоюлғандин бери, 2 милйон 100 миң абунтниң һесаб нумури бикар қилинған, 530 миң абунтни мулазимәт билән тәминләш тохтитилған.

Уйғур райониниң телефон абунтлирини һәқиқий исми билән тзимлаш түзүми д у қ қатарлиқ кишилик һоқуқ вә өктичи тәшкилатлириниң тәнқидигә учриған. Уларниң илгири сүрүшичә, мәзкур түзүм пәқәт уйғур тор вә телефон абунтлириниң учур алақисини техиму қаттиқ контрол қилиш үчүн чиқирилған болуп, бу түзүм пуқраларниң шәхси учур мәхпийәтликигә тәһдит пәйда қилидикән.

Уйғур райони абунтларниң тор вә телефонини тизимлашни хитайниң мәмликәтлик "тор бихәтәрлик қануни" 1‏-июн рәсмий йолға қоюлуштин бурун орундап болған. Мәзкур қанун хитай хәлқ қурултийи тәрипидин 2017‏-йили11‏-айда мақулланған болуп, мәзкур қанунму ғәрб әллири вә хәлқара кишилик һоқуқ тәшкилатлириниң тәнқидигә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт