Teywen prézidénti panamani ziyaret qildi

Muxbirimiz ümidwar
2016-06-27
Élxet
Pikir
Share
Print


Teywendiki jungxu'a min'go hökümitining prézidénti sey yingwén wezipe tapshuruwalghandin kéyinki özining tunji chet'el sepiri süpitide teywen bilen diplomatiyilik munasiwetke ige panama dölitige qaratqan ziyaritini bashlidi. B b s agéntliqining xewer qilishiche, 25 - iyun küni panamagha yétip kelgen prézidént sey yingwén panama qanilini kéngeytip qurush qurulushining bashlinish murasimigha qatnashqan. Sey yingwén 26 - chisla qanalni kéngeytish qurulushining bashlinish murasimigha qatnashqandin sirt yene panama rehberliri bilen uchrishis ötküzidiken we arqidin teywen bilen diplomatiyilik alaqisi bar yene bir latin amérika döliti paragwayni ziyaret qilidiken.

Sey yingwén panamagha yétip kélish harpisida panamadiki xitayning soda ish béjirish orgini panamada turushluq xitay muhajirlar jemiyitini ikki qétm yighip,bir junggo siyasiti heqqide ipade bildürüshni telep qilghan. Bir qisim teywenlik muhajirlar sey yingwénni kütüwélish pa'aliyetliri ötküzgen.

Emma, teywen prézidénti sey yingwén panama ziyaritini bashlash harpisida xitay hökümitining teywen ishliri ishxanisining bayanatchisi bayanat élan qilip, 5 - ayning 20 - künidin kéyin teywen bilen chong quruqluq arisidiki alaqe ornitish méxanizimi öz ishini toxtatqanliqi, buning sewebining teywenning téxiche,"Bir junggo prinsipini ortaq qilgha siyasiy asasqa> bolghan öz meydanini téxi qararlashturmighanliqi we bashqilarni körsetken.

Toluq bet