Amérika prézidénti tramp xitayni “Amérika menpe'eti we qimmet qarashlirigha tehdit” dep körsetti

Muxbirimiz irade
2018.01.31

Amérika prézidénti donald tramp seyshenbe küni axsham dölet ehwali heqqide bergen tunji qétimliq nutqida xitayni amérikining “Hem iqtisadiy hem herbiy jehettiki eng chong riqabetchisi” dep körsetti. U sözide, amérika hökümitining xitay we rusiyedin kélidighan tehditlerge qarshi turush üchün herbiy mudapi'e küchini ashuridighanliqini bildürgen. U yene mundaq dégen: “Dunya miqyasida nurghun kazzap réjimlar, térrorluq teshkilatliri shundaqla riqabetchimiz bolghan xitay we rusiyeler bizning menpe'etlirimizge, bizning iqtisadimizgha we bizning qimmet qarashlirimizgha tehdit qilmaqta”.

Tramp bu tehditlerge qarshi turush üchün amérikining herbiy mudapi'e küchini üzlüksiz kücheytidighanliqini bildürgen. 

Birleshme agéntliqining xewiridin qarighanda, prézidént trampning bu sözliri xitayni qattiq bi'aram qildi. Charshenbe küni xitay tashqi ishlar ministirliqi bayanatchisi xu'a chünying buninggha qayturghan inkasida ikki döletning ortaq menpe'etlirining perqlirining köplükini tekitlesh bilen birge amérikini “Soghuq urush psixikisi bilen heriket qiliwatidu”, dégen. 

“Washin'gton pochtisi” gézitide élan qilin'ghan bu heqtiki mulahizidin qarighanda, prézidént trampning 30-yanwar küni kechte sözligen mezkur nutqi amérika hökümitining xitaygha nechche on yillardin béri yürgüzüp kelgen “Hemkarliq arqiliq tinch dunya we erkin xitay berpa qilish” deydighan siyasitini özgertip ؛ “Qattiq riqabetlishish” istratégiyisini yolgha qoyudighanliqining yene bir namayendisi bolup hésablinidiken. 

Seyshenbe küni yene, amérika dölet istixbarat idarisi, yeni CIA ning bashliqi mayk pompiyo b b s agéntliqigha qilghan sözidimu, xitay amérikagha bériwatqan ziyanning rusiyedinmu köplükini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.