Firansiye kéngesh palatasi ezasi: "Dunya xitayning Uyghurlargha qaratqan tughut cheklishige qattiq inkas bildürüshi kérek"

Muxbirimiz irade
2020-07-02
Élxet
Pikir
Share
Print

Firansiye kéngesh palatasi ezasi estir bénbassa dunya xitay hökümitining Uyghurlargha qaratqan tughut cheklesh herikitige qattiq inkas qayturushi kérek, dégen.

Firansiye kéngesh palatasi ezasi estir bénbassa xanim firansiye xelq'araliq radiyosning ziyaritini qobul qilghanda "Xitay hökümiti Uyghur ayallirini tughmasliqqa yaki bala chüshürüshke mejburlighan. Xitay emeldarlirining az sanliq milletlerge qaratqan basturushi bir yéngiliq emes, emma bu heqiqeten bir ziyankeshlik," dégen.

29-Iyun küni gérmaniyelik tetqiqatchi adriyan zéniz "Hamilidarliqtin saqlinish, mejburiy tughut cheklesh: xitay kompartiyesining Uyghurlarning tughulush nisbitini kontrol qilish herikiti" namliq höjjetlik doklat élan qilip zor ghulghula qozghighan idi.

Doklatta Uyghurlar eng köp olturaqlashqan qeshqer we xotendin ibaret bu ikki rayondiki Uyghur nopusining 2015-yilidin bashlap tik siziq bilen töwenlep mangghanliqi we 2020-yiligha kelgende nopusning köpiyish nisbiti nölge chüshürülgenliki qeyt qilin'ghan we Uyghurlarning nopusining cheklinishi bilen bir waqitta zor kölemde xitay nopusining Uyghur rayonigha köchürülüshi Uyghurlarni assimilyatsiye qilip yoqitish pilanining bir qismi déyilgen.

Firansiyelik siyasetchi estir bénbassa sözide "Buning irqiy qirghinchiliq ikenlikide shek yoq," dégen. U yene Uyghur élidiki zulum heqqide firansiye hökümitige chaqiriq qilin'ghan bolsimu, biraq hökümetning ochuq ipade bildürmigenlikini eskertken we "Biz bu heqte ijabiy qedemler tashlinishini we herqaysi döletlerning bu mesilide ortaq heriket qilishini ümid qilimiz," dégen.

Toluq bet