“үч боғуз тосмиси” ниң сәл апитиниң алдини елишта карға кәлмигәнлики илгири сүрүлмәктә
Оттура вә җәнубий хитай районлириниң еғир сәл апитигә дуч кәлгәнлики, “үч боғуз тосмиси” ниң хитайниң яңзи дәрясида көрүлидиған сәл апитиниң алдини елишта һеч карға кәлмигәнлики илгири сүрүлмәктә.
Хитай һөкүмити органлири яңзи дәрясиниң юқири төвән еқимида көрүлидиған сәл апитиниң дәриҗисини 12-июл 3-дәриҗидин 2-дәриҗигә көтүргән.
Хитайда сәл апитиниң дәриҗиси 4 болуп, биринчи дәриҗилик агаһландуруш әң еғир агаһландуруш һесаблинидикән.
“иқтисадшунас” хәвәрләр ториниң көрситишичә, хитайдики пәсиллик ямғур кәлтүрүп чиқарған сәл апити һазирға кәлгүчә 141 адәмниң җениға замин болған, бир нәччә милйон адәм ой-маканлиридин айрилған, 28 миң еғиз ой вәйран болған, буниңдин келип чиққан иқтисадий зиян 11. 7 Милярд америка доллириға йәткән.
Хәвәргә қариғанда, 2006-йили тамамлинип, хитайниң әсирләрдин буянқи су тизгинләш чүшини реаллиққа айландурди, дәп қаралған “үч боғуз тосмиси” бу йиллиқ сәл апитиниң синиқидин өтәлмигән.
Бу, илгири мәзкур тосминиң қурулушиға қариши чиққучиларни қайтидин баш көтүргүзгән, бәзиләр бу тосминиң йерилип мисли көрүлмигән апәтләргә сәвәб болидиғанлиқиниму пәрәз қилишқан. Әмма хитай һөкүмити даирилири бу һәқтики пәрәзләрни ғәзәп билән инкар қилған.
18-Июл, хитайниң “йәршари вақит гезити” мақалә елан қилип тосминиң сәл апитигә үнүмлүк тақабил туруватқанлиқини, “тосма йерилиду” дегән гуманларниң қуруқ гәп икәнликини билдүргән.
Хитайниң шинхуа агентлиқиниң хәвәр қилишичә, тосминиң су йүзи 160 метирға өрләп сәлни бихәтәр тизгинләш чекидин 15 метир ешип кәткән. Шәнбә күни әтигәндә тосминиң бир нәччә сәл контрол қилиш қапқақлири ечилип су қоюп берилгән.
“үч боғуз тосмиси” сәл апитиниң алдини елиш, су тизгинләш вә ток ишләпчиқириш мәқситидә яңзи дәрясиға ясалған. Бу тосма қурулушиға 31 милярд доллардин пул вә 10 йилдин артуқ вақит сәрп қилинған. Тосма 1. 3 Милйон йәрлик хитайларниң юртлиридин көчүп кетишини кәлтүрүп чиқарғандин башқа хитайда йәнә еғир екологийәлик, антропологийәлик вәйранчилиқларғму сәвәб болған.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
- Хитай қарамайда тунҗи болуп синақ қиливатқан әқлий иқтидарлиқ чарлиғучи машина қандақ нәрсә?
- “қанлиқ шавгуән вәқәси” ниң 13 йиллиқ хатирә күни: “дуня бу вәқәни унтуп қалмаслиқи керәк”
