Хәлқарадики даңлиқ икки илмий журнал уйғурларниң DNA сини ишләткән хитай тәтқиқатчилириниң икки мақалисини бикар қилған

Мухбиримиз әркин
2021-09-10
Share

Хәлқарадики икки нупузлуқ илмий журнал хитай ген тәтқиқатчилириниң бу журналда елан қилинған икки парчә мақалисини уйғурларниң DNA сини рухсәтсиз ишләткәнлики үчүн бикар қилған.

Мәлум болушичә, хитай ген тәтқиқатчилириниң бу һәркити "илмий тәтқиқат әхлақиға хилап" дәп қаралған. Хитай һөкүмити 2017-йили башланған чоң тутқунда аз дегәнда бир милйон уйғурни лагер вә түрмиләргә қамаш билән бир вақитта, уйғурларниң DNA әвришкисини мәҗурий йиғип, зор көләмлик DNA амбири қурған.

Бу DNA амбиридики учурлар хитай дөләт хәвпсизлики органлириниң бихәтәрлик тәдбирлирини тәрәққий қилдуруши һәмдә һәр хил мәхпий тәтқиқат вә адәм ичкий әзалирини көчүрүштә ишлитилип келингән икән. "америка авази" ниң хәвәр қилишичә, бу икки парчә мақалә илгири "хәлқара қанун тибабити жорнили" вә "инсан генетикиси" жорнилида елан қилинған икән.

Бу икки парчә мақалә бир қанчә хитай тәтқиқатчиси тәрипидин бирлишип йезилған болуп, униң апторлириниң бири хитай җамаәт хәвпсизлики министирлиқиға қарашлиқ қанун тибабити тәтқиқат орниниң тәтқиқатчиси ли сәйшя икән.

Хәвәрдә бу тәтқиқат орниниң бу йил 5-айда америка һөкүмити тәрипидин "қара тизимлик" кә киргүзүлгәнлики, униң уйғурларни дәпсәндә қилип, кәң көләмлик тутқун қилиш, мәҗбурий әмгәккә селиш, юқури техникалиқ назарәт қилишта хитай һөкүмитигә һәмдәмдә болуш билән әйибләнгәнликини билдүргән.

Хәвәрдә ейтишиличә, "хәлқара қанун тибабити жорнили" 7-сентәбир баянат елан қилип, бу мақалиниң елип ташланғанлиқини билдүргән. Буниң алдида "инсан генетикиси" жорнили баянат елан қилған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт