Uyghur élide yanfon'gha qaritilghan cheklesh tedbirliri téximu kücheytilgen

Xitay da'iriliri 1 - maydin bashlap Uyghur élide yanfon ishletküchilerge qaritilghan cheklesh tedbirlirini téximu kücheytken. Buning 23 - aprél sériqbuya weqesidin kéyinla yolgha qoyulushi diqqetni chekmekte.

Radi'omizning igilishiche, téléfon kartisigha tizimlatquchilar choqum öz kimlikini élip kélip, tizimlitishi kérek iken.

Bu belgilime 1 - maydin bashlap küchke ige bolup buningda yéngi téléfon tizimlatquchilar choqum öz ismi bilen tizimlitish shert qilin'ghan.

Ürümchidiki jang famililik bir téléfon kartisi satquchining bildürüshiche, u mushu shenbidin bashlap téléfon kartisi satqanda heqiqiy isim islitish boyiche terbiyilinishke chaqirilghan.

U mundaq dégen: buni anglap ishenmeyla qaldim. Chuni bu minglighan xéridargha bérip taqilidighan mesile - de.

Bizge ürümchidin uchur bergen bireylenning bildürüshiche, bu tüzüm yolgha qoyulghini xéli uzun bolghan.

U mundaq dédi: bu ishni yolgha qoyghini xéli boldi. Kimlikini ishletmey turup téléfon kartisi béjirish mumkin emes.

Uning éytishiche, 2009 - yilidin kéyinla kochilarda téléfon kartisi satidighanlar asasen qalmighan.

Xitay hökümiti 2009 - yilidiki ürümchi namayishidin kéyin ürümchidiki yanfon ishletküchilerge qaritilghan bashqurushni téximu kücheytken idi.

Bu yil 23 - aprél maralbéshi nahiyisining sériqbuya yézisida toqunush yüz bérip 21 adem ölgen.

Da'iriler bu weqeni atalmish térrorluq weqesi dep atighan idi.