Хитай даирилири бортала областиниң муавин башлиқи маһмутҗан баратниң вәзиписидин елип ташлиған

Мухбиримиз әркин
2020-04-27
Share

Хитай даирилири бортала областиниң муавин башлиқи маһмутҗан баратниң вәзиписидин елип ташлап, униң үстидин дело турғузушни қарар қилған.

«Хәлқ тори» ниң хәвәр қилишичә, маһмутҗан барат «ғайә-етиқатини йоқатқан, сиясий еңи вә партийәвийлик принсипи йоқ…тәшкилниң тәкшүрүшигә қаршилиқ көрситип, башқилар билән тил бириктүрүвалған, чәтәлгә чиқип тәкшүрүш мәзгилидә линийәни өз бешимчилик билән өзгәрткән, алақидар шәхсий ишлирини доклат қилмиған, дөләт мүлкини игиливалған, зор миқдардики мал-мүлүкни қанунсиз қобул қилған,» дәп әйибләнгән.

Маһмутҗан барат хитайниң 2017-йили башланған чоң тутқунидин бери интизамға вә қанунға хилаплиқ қилиш билән әйиблинип, вәзиписидин елип ташланған вә қануний җавабкарлиққа тартилған көплигән юқири дәриҗилик уйғур кадирлириниң йәнә биридур. Чоң тутқунда нурғун уйғур кадирлар «бөлгүнчилик», «икки йүзлимичилик» яки «рәзил күчләрни қанат астиға елиш» дегән җинайәтләр билән әйиблинип, лагер вә түрмиләргә қамалған. Бәзилиригә муддәтсиз қамақ яки өлүм җазаси берилип, нурғун уйғур кадирлар һакимийәт органлиридин тазиланған иди.

«Хәлқ тори» ниң билдүрүшичә, уйғур аптоном районлуқ интизам тәкшүрүш вә ревизийә комитети маһмутҗан баратниң пүтүн вәзипилирини елип ташлап, партийәдин қоғлап чиқиришни шундақла униң үстидин дело турғузуп тәкшүрүшни қарар қилған. 1963-Йили туғулған маһмутҗан барат җиң наһийәсидин болуп, у тутқун қилиништин бурун бортала областиниң муавин башлиқи, биңтуән 5-девизийәсиниң муавин девизийә башлиқи қатарлиқ вәзипиләрни өтигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт