Uyghur oqughuchilar medine islam uniwérsitétida Uyghur medeniyiti körgezme öyi achti

Muxbirimiz erkin
2013-12-23
Élxet
Pikir
Share
Print

20‏-Dékabir, se'udi erebistanning medine islam uniwérsitétida ötküzgen medeniyet körgezmiside Uyghur medeniyiti tonushturuldi.

Mezkur sheherdiki Uyghur oqughuchilar "Islam oqughuchilirining köp milletlik medeniyiti" namliq körgezmide mexsus Uyghur medeniyet öyi échip, Uyghurlarning örp-adet, turmush buyumlirini we yémek ichmeklirini tonushturdi.

Körgezme öyi xitayning shinjang bölümi, namida échilghan bolsimu, biraq körgezmige etles, doppa, böshük, kitab, etles yékendaz, sangza, nan, mis chögün qatarliq buyum we yémeklikler qoyuldi.

"Islam uchuri" namliq tor betning xewiride körsitishiche, mezkur pa'aliyet medine shehirining 2013‏-yili islam medeniyet paytexti bolup bahalan'ghanliqi munasiwiti bilen uyushturulghan bolup, bu pa'aliyet medine shehiridiki chet'ellik musulman oqughuchilarning köp qirliq milliy medeniyiti, her xil ijtima'iy medeniyet adetlirini namayan qilishni meqset qilghan.

Medine islam uniwérsitéti 1961‏-yili padishah abdul'eziz el se'udning buyruqi bilen qurulghan. Mezkur uniwérsitét islam sheri'et ilmiy boyiche nopuzluq islam bilim yurtlirining biri. Mezkur mektepning xitaydin kélip oquwatqan mutleq köp qisim oqughuchisi tungganlarni asas qilghan.

Toluq bet