Уйғур диярида “қанун арқилиқ идарә көрүш” ни техиму күчәйтиш тәләп қилинди

Мухбиримиз әзиз
2022-03-07
Share

Хитай һөкүмитиниң “икки йиғин” мәзгилидә оқуп өтүлгән “һөкүмәт хизмитидин доклат” та “дөләтни қанун арқилиқ идарә қилиш” алаһидә тәкитләнгән болуп, һәрқайси вәкилләр буни уйғур дияриға кәң көләмдә тәдбиқлашни оттуриға қойған.

Хитай һөкүмити башқурушидики “тәңритағ тори” ниң 7-марттики хәвиридә ейтилишичә, “икки йиғин” ниң хитай вәкиллири “қанун арқилиқ идарә қилиш” ни көпләп тәтбиқлиғанда “партийә мәркизий комитетиниң йеңи дәврдики шинҗаңни идарә қилиш истратегийәсини техиму мукәммәл әмәлгә ашурғили болиду” дегән. Қәдимки уйғур вә түркий тиллириниң мутәхәссиси, дәп қарилидиған профессор ню руҗи бу һәқтә алаһидә сөз қилип: “пәқәт қанун арқилиқ идарә қилишни омумлаштурғандила шинҗаңдики һәр милләт хәлқиниң җуңхуа миллий кимлики чүшәнчисини мустәһкәм шәкилләндүргили болиду” дегән.

Хитай һөкүмитиниң бу хилдики “қанун арқилиқ идарә қилиши” һәққидә сөз болғанда австралийәдики сиясий анализчи вики шү “хитайда қанун арқилиқ идарә қилиш мәвҗут дегәнлик бәкму ечинишлиқ лап уруш” дегән иди. Дәрвәқә хитай һөкүмити “террорлуқ вә ашқунлуққа қарши” мәзмунда бир қатар қанун-низамларни түзүп чиққандин кейин милйондин артуқ уйғурни мушу “қанунлар” бойичә лагерларға вә түрмиләргә қамиғаниди. Нөвәттә бир қисим мутәхәссисләр “икки йиғин” мәзгилидә бу мәсилиниң алаһидә йосунда оттуриға қоюлушини бундин кейинки техиму қаттиқ болған контроллуқниң бешарити, дейишмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт