"хитай өлкилиридә уйғурларниң тиҗаритигә тосуқ, ишләмчиликигә йол очуқ"

Мухбиримиз шөһрәт һошур
2017-05-31
Share

Хотәнниң гума наһийисидин 109 нәпәр аталмиш артуқ әмгәк күчи өткән һәптә хитайниң әнхуй өлкисигә ишләмчиликкә йөткәлгән.

Хитайчә тәңритағ ториниң бу һәқтики хәвиридә баян қилинишичә, бу қетимқи йөткәш билән әнхуй өлкисидә ишләватқан хотәнлик ишләмчиләрниң сани 600 гә йәткән.

Хәвәрдә дейилишичә ишләмчилликкә маңған 109 яш наһийидә дағдуғилиқ мурасим билән узитилған. Мурасимда, аталмиш артуқ әмгәк күчи йөткәшни йәнә, хитай өлкилириниң уйғур райониға ғәмхорлуқи, дәп тәсвирлигән.

Өткән йилниң ахири радийомизға учур бәргән арзу нурмәмәт исимлик бир қиз өзиниң хитайниң йиву шәһиридә тиҗарәт қилиш җәрянида баштин кәчүргәнлири вә қошна дукандарларниң бешиға кәлгәнләр һәққидә тохтилип, хитай даирилириниң хитай өлкилиридә тиҗарәт қиливатқан уйғурларға еғир тосқунлуқ қиливатқанлиқини баян қилған иди.

Хитай сақчиларниң тохтавсиз бихәтәрлик тәкшүрүшлири вә тутуп әкитишлири сәвәблик, йиву базирида бир кочини игилигән уйғур дукандарларниң дуканлирини тақиветишкә мәҗбур болғанлиқини мәлум қилған иди. У йәнә, даириләрниң, хитай өлкилиридә уйғурларниң тиҗаритигә тосқунлуқ қилиниватқан билән ишләмчиликкә келишини риғбәтләндүрүватқанлиқини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт