Xitay hökümiti Uyghur aptonom rayonluq arxipxanida 70 yil mügdep yatqan tarixiy arxiplarni qayta "Körgezme" qilghan

Muxbirimiz qutlan
2015-08-31
Share

Xelq tori Uyghurche qanilining xewirige qarighanda, yéqinda Uyghur aptonom rayonluq arxipxana "Dunya fashizmgha qarshi urush mezgilidiki shinjang" namliq körgezme uyushturghan.

Mezkur körgezme béyjing da'irilirining "Yapon'gha qarshi urush ghelibisining 70 yilliqini xatirilesh" munasiwiti bilen ötküzmekchi bolghan herbiy paratigha toghra kelgen.

Körgezmide Uyghur aptonom rayonluq arxipxanida saqlan'ghan yapon'gha qarshi urush mezgilidiki bir qisim tarixiy höjjet we arxiplar körsitilgen. Bolupmu 1930-yillarning axirliridin 1940-yillarning bashlirighiche bolghan jeryanda Uyghur xelqining özlükidin pul-mal we altun-kömüshlirini i'ane qilip yapon'gha qarshi aldinqi sepke ewetkenliki körgezme qilin'ghan.

Bu heqtiki mexsus xewerde mundaq déyilgen: "Shinjangdiki her millet xelqi yapon basqunchilirigha qarshi urushni pütün küchi bilen qollap, i'ane toplighan. Ular özliri toplighan i'ane pullargha herbiy ayropilan we bashqa buyumlarni sétiwélip aldinqi sepke ewetken. Her qétimliq i'ane toplash pa'aliyitidiki tesirlik körünüshler shinjangdiki her millet xelqining birdek ittipaqliship, weten'ge özini béghishlap, hayat-mamatta birge bolushtek wetenperwerlik héssiyatini namayan qilghan."

Közetküchiler, mezkur "Körgezme" xitay hökümitining Uyghurlargha qaratqan siyasiy taktikisining ikki xil yüzini körsitip bermekte, dégenlerni ilgiri sürmekte. Ularning qarishiche, xitay hökümiti yéqindin buyan bir tereptin Uyghurlarni "Diniy esebiylik", "Térrorluq" we "Bölgünchilik" bilen eyiblep qattiq basturushni dawamlashtursa, yene bir tereptin Uyghurlarning yapon'gha qarshi urush mezgilide xitaylar bilen bir septe turghanliqini teshwiq qilish arqiliq ularning atalmish "Jungxu'a a'ilisining bir ezasi" ikenlikini ispatlashqa urunmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet