Dilshat rishit: xitay, Uyghur diniy zatlarni öz xelqige qarshi ish qilishqa qistawatidu

Muxbirimiz shöhret hoshur
2016-11-23
Share

Aldinqi küni Uyghur rayonida wetenperwer diniy zatlarni merkezlik terbiyilesh namida kurs bashlan'ghan, kursta diniy zatlar idiye we herikitini rayonluq partkomning 9-qurultiyining rohigha asasen birleshtürüshke, öz ewzelliklirini bash nishan yeni ebediy eminlik üchün xizmet qildurushqa chaqirilghan.

Tengritagh torining bügünki bu heqtiki xewiride bayan qilinishiche, bu mezkur namda bashlan'ghan 1-nöwetlik qarar bolup, kursta islam dinini sotsiyalizmgha maslashturush teshebbusi yene ashkara otturigha qoyulghan.

Musteqil közetküchiler xitayning diniy zatlarni öz siyasiy menpe'eti üchün xizmet qildurushini tenqidlep kéliwatqan, bolupmu dinni sotsiyalizmgha maslashturush chaqiriqining emeliyette dinning asasiy telimatlirini chetke qéqish we depsende qilish ikenlikini ilgiri sürüshken idi.

Bügün bu heqte radi'omizda pozitsiye bildürgen dunya Uyghur qurultiyi bayanatchisi dilshat rishit, heq we adalettin waz kechken diniy zatlarning Uyghur xelqi arisida inawiti bolmaydighanliqini eskertti. U, xitay terepni uyghür diniy zatlarni öz xelqining menpe'etige xilap ish qilishqa qistimasliqqa chaqirdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet