Хитай даирилири читәй наһийәсидә бир мәсчитни печәтлигән

Мухбиримиз әркин
2017-06-29
Елхәт
Пикир
Share
Принт

Хитай даирилири йеқинда уйғур илиниң читәй наһийәсидә бир мәсчитни печәтләп, мәзкур мәсчитниң қазақ хатипи вә униң 2 пәрзәнтини тутқун қилған.

Чәтәлдики қазақ паалийәтчилириниң радиомизға билдүрүшичә, даириләр мәзкур мәсчитни «қурулуш қаидисигә хилап селинған» дәп, печәтләп, бу мәсчитни салдурған вә униңға хатиплиқ қиливатқан тоқтарқан төләвқанни бу йил 15‏-май күни «әсәбийликни түгитиш мәркизи» гә йоллап бәргән.

Чәтәлдики қазақ паалийәтчиләр йәнә, даириләрниң тоқтарқанниң бир оғли вә униң қазақистанда оқуйдиған қизини қайтуруп келип, «әсәбийликни түгитиш мәркизи» гә тәрбийиләшкә йоллиғанлиқини билдүргән.

Қазақ паалийәтчилириниң ашкарилишичә, тоқтарқан «шинҗаң ишләпчиқириш-қурулуш биңтуәни» 6‏-девизийәсиниң 110‏-полки 2‏-миллий ротисиниң аһалиси болуп, у, бу мәсчитни биңтуән даирилириниң тәстиқи вә мусулманларниң ярдимидә салдурған икән.

6‏-Девизийәниң 110‏-полки читәй наһийәсигә җайлашқан болуп, у, читәй йеза игилик мәйдани вә кариз йезиси билән чегрилиниду. Мәзкур полкниң 5000 аһалиси бар болуп, униң 300 нәпирини қазақлар тәшкил қилған.

Чәтәлдики қазақ паалийәтчилириниң билдүрүшичә, тоқтарқан төләвқан тәқвадар мусулман болуп, у, 2-ротидики мусулманларниң җиназа намизи, никаһ оқуш қатарлиқ адәттики диний еһтияҗлиридин чиқип кәлгән болсиму, бирақ бу адәттики диний қаидиләр даириләрни биарам қилип кәлгән.

Уйғур аптоном райони бу йил 1‏-апрел «әсәбийликни түгитиш қануни» ни йолға қоюп, нурғун диний қаидә, диний символларни «әсәбийлик» ниң ипадиси, дәп елан қилған иди.

Пикирләр (0)
Share
Толуқ бәт