2020-Yil Uyghur rayonida qurulush saheside ishleydighan téxniklar köplep terbi'iyelen'gen

Xitay taratquliridin élin'ghan melumatlargha qarighanda, 2020-yil Uyghur rayonida qurulush saheside ishleydighan téxniklar köplep terbiyelen'gen bolup, qurulush sahesining her qaysi türliride terbiyelen'genler 800 ming adem qétimgha yéqinlashqan. Yéqinqi 3 yil ichidila 200 ming adem qurulush saheside ishqa orunlashqan. Shuning bilen bir waqitta, 350 qurulush shirkiti we 19 terbiyelesh merkizi “Jenubiy shinjangdiki 4 wilayet, 33 nahiyede namratliqtin qutulush” qa yardem bérish méxanizmi berpa qilip, köpligen téxniklarni terbiyeligen we ishqa orunlashturghan.

Analizchilarning qarishiche, xitay hökümitining bunche köp qurulush shirkiti we terbiyelesh ornini ishlitip, nurghun ademni qurulush saheside terbiyelishi sewebsiz emes, chünki türme-lagérlarni, yesli, mektep we sanatoriyelerni köpeytish we kéngeytip sélish qurulushi dawamlishiwatidu. Hökümet we chong shirketler pul chiqirip séliwatqan her türlük qurulushlarmu az emes. Bu qurulushlarning köpinchisi Uyghur rayonidiki xelqning parawanliqi üchün emes, belki téximu qattiq kontrol qilinishi, basturulushi üchün ishlitilidu. Chonglarning méngisini yuyush, yash ewladlarni xitaylashturush üchün séliniwatqan mekteplermu nahayiti köp. Xitayning zulum siyasiti üchün ishleydighan qurulush shirketliri we zawut xojayinliri buningdin zor nep alidu.