Вашингтон почтиси: “хитай америка иҗтимаий таратқулирини уйғурларға қарши тәшвиқати үчүн қолланмақта”

“вашингтон почтиси” гезити 27-июн тәһрират мақалиси елан қилип, хитайниң америка иҗтимаий таратқулирини уйғурларға қарита садир қилған “мәдәнийәт қирғинчилиқи” ни йепиш үчүн қоллиниватқанлиқини билдүрди. Мақалидә ейтилишичә, хитайниң америка таратқулирида елан қилинған бу һәқтики “миңлиған тәшвиқат видийолири ши җинпиң һакимийитиниң уйғурларға қарши йүргүзгән мәдәнийәт қирғинчилиқини йепишқа қаритилған дөләт һәрикитиниң бир парчиси” икән.

“дуняниң қалғини һаңвеқип турғанда хитай ‍өзиниң тәшвиқатини експорт қилмақта” мавзулуқ бу мақалидә, хитайниң бу урунушлири йирақтин қариғанда калампайдәк көрүнсиму, бирақ униң йәнила интайин шүркүнишлик һәм тәһдит астидикиләр үчүн хәтәрлик” икәнлики билдүрүлгән.

Мақалидә: “ню-йорк вақти” вә “пропублика” гезитлириниң тәкшүрүш елип берип, йотюб, тветтирға ‍охшаш америка таратқулирида тарқилип йүргән 3000 дин артуқ видийониң тизимликини елан қилғанлиқи, бу видийоларда униң рәсмий тәшвиқат икәнликигә аит һечқандақ аламәт болмисиму, бирақ тилиниң интайин ғәлитә икәнликии билдүрүлгән.

Мақалидә ейтилишичә, чәтәлдики 74 яшлиқ уйғур паалийәтчи рабийә қадирниң аилә әзалирини сөзлитип тарқитилған видийолар буниң типик мисаллириниң бири икән. Мақалидә, йеқинқи тәкшүрүш хитай ‍өзиниң дуня билән болған учур қанилини тосисиму, бирақ униң америка вә униң иттипақдашлириниң шундақла бу дөләтләрдики технологийә ширкәтлириниң очуқлуқини суйиистемал қилип, өзиниң сахта вә һакимийәткә достанә сиясий чақириқларни давамлиқ тарқитип келиватқанлиқини билдүргән.