Wilbur rus: "Biz xitay bilen tengpungsiz soda munasiwitide bolmaymiz!"

Muxbirimiz eziz
2017-09-27
Share

Bügün xitaydiki dölet ishliri ziyaritini axirlashturghan amérika soda ministiri wilbur rus amérikining buningdin kéyin xitay bilen bolghan soda munasiwitide bir tereplime bolghan tengpungsiz haletke xatime bérish lazimliqini qattiq ibariler bilen tilgha aldi.

"Nyuyork waqti" gézitining xewiride éytilishiche, béyjingda xitay bash ministiri li kéchyang bilen söhbette bolghan wilbur rus bu heqte söz qilip: "Biz tüplük bolghan bir özgirishke mohtaj. Shuning bilen birge biz yene xitay hökümitige ikki terep munasiwitining tengpungsiz ikenlikini éniq bildürduq dep qaraymen," dégen.

Wilbur rus izchil halda "Xitay hökümiti amérikini soda qizil reqimige boghup qoydi" dep eyiblep kelmekte. U bu qétim ikki terep otturisidiki soda perqini buningdin kéyin amérika mehsulatliri we mulazimitining xitaygha éksport qilinishini ashurush arqiliq eng töwen chekke chüshüridighanliqini bildürdi. Xitayning déhqanchiliq, banka sistémisi we pul-mu'amile sahesi boyiche amérika karxanilirigha téximu chong bazar boshluqi bergenlikini "Qol yétidighan méwe" dep atighan wilbur rus, "Biz téximu qattiq, chongraq we resmiy bolghan sahelerge yürüsh qiliwatimiz," dégen.

Xewerde éytilishiche, amérika prézidénti donald tramp prézidéntliq saylimi mezgilide özining kelgüsidiki xitay siyasiti heqqide qattiq wezinde söz qilghan idi. Alaqidar tereplerning wilbur rosning bügünki sözlirini shu sözlerning eks sadasi, dep qarawatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.