Amérikaning xitayning yadro qorali jehettin tehdit ikenlikini körsitishi xitayning naraziliqini qozghidi

Muxbirimiz ümidwar
2018.02.04

Yéqinqi waqitlardin buyan amérika hökümitining xitaygha qaratqan tenqidliri dawamliq otturigha chiqiwatqan bolup, jüme küni amérika dölet mudapi'e ministirliqi 2018-yilliq yadro qoralliri ehwaligha a'it doklatini élan qilip, nöwette pütün yer shari miqyasida yadro qoralliri tehditining yenila barghanséri éghirlishiwatqanliqini, amérikaning kélishimlerge asasen özining yadro qorallirining sanini azaytqan bolsimu, emma xitay we rusiyening özlirining yéngi tiptiki yadro qoralliri iqtidarini ashuruwatqanliqini körsitish bilen birge xitay, rusiye, shimali koréye we iranni yadro qoralliri téxnikisi jehette tehdit yaritiwatqan memliketler dep hésablighan idi.

Amérikining xitaygha qaratqan bu tenqidige qarita xitay dölet mudapi'e ministirliqi bayanat élan qilip, amérikaning xitayni yadro qoralliri jehettiki tehdit dep qarishigha naraziliq bildürüp, xitayning yadro téxnikisining peqet dölet bixeterliki éhtiyaji üchünla töwen sewiyide ikenliki, bashtin axiri aldida yadro qorali ishletmeslik siyasitide bolup kéliwatqanliqini bildürgen. B b s agéntliqining xewer qilishiche, yekshenbe küni xitay dölet mudapi'e ministirliqi bayanatida amérikini “Soghuq munasiwet urushi” qarishidin yénishqa dewet qilghan. 

Buningdin ilgiri, yeni 31-yanwar küni, amérika prézidénti donald tramp amérika xelqige sözligen nutqida xitayni “Amérikaning qimmet qarishi we menpe'etige xiris qiliwatqan eng chong reqib”, dep atighan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.