Xitayda minglarche xelq oqutquchisi béyjinggha toplinip muwapiq heq we teminat telep qilghan

Muxbirimiz shöhret hoshur
2016.09.28

Radi'omiz xitayche bölümining xewer qilishiche, tünügün xitayning herqaysi ölkiliridin béyjinggha toplan'ghan minglarche xelq oqutquchisi merkizi erziyet idarisige erz sunup, xelq oqutquchilirining teminatini östürüshni telep qilghan.

Erzdarlar sanining köplükidin endishilen'gen da'iriler saqchilar we dölet amanliq xadimlirini heriketke keltürüp, erzdarlar toplan'ghan orun we chüshken méhmanxanilarni qorshawgha alghan.

Mezkur erzdarlardin birining radi'omiz muxbirigha ashkarilishiche, bu oqutquchilarning köpinchisi 80 ‏-yillarda xizmetke qobul qilin'ghan we kéyin xizmettin toxtitilghanlar bolup, bulargha bériliwatqan teminat xitayning nöwettiki kündilik turmush éhtiyajini qamdashqa mümkinsiz iken.

Xewerde bu erzdarlarning xitaydiki 25 ölke sheherdin toplan'ghanliqi yézilghan, emma bularning ichide Uyghur rayonidin kelgen oqutquchi yaki sabiq oqutquchining bar yoqluqi tilgha élinmighan. Jem'iyet xewerliridin melum bolushiche, atalmish qosh til ma'arip siyasitining zerbisige uchrighan Uyghur oqutquchilar nöwette turmushini qéyin ehwalda kechürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.