Uyghur diyaridiki xitay eskerler “Urush meshiqi” ni dawam qilmaqta

Muxbirimiz eziz
2021-08-10
Share

“Xitay xewer tori” ning 10-awghusttiki xewiride éytilishiche, tengritagh wadisida turushluq xitay herbiy qisimliri “3-Nöwetlik herbiy tenheriket musabiqisi” ni bashlighan. Xewerde éytilishiche, üch yüzdin artuq esker bu musabiqige qatnashqan bolup qarigha élish, mushtlishish we bashqa türler boyiche maharet körsetken. Xewerde buni alahide gewdilendürüp “Eskerler bu musabiqe arqiliq heqiqiy menidiki ‛jeng‚ning temini tétidi” déyilidu.

Dunya ‍uyghur qurultiyining bayanatchisi dilshat réshit xitay armiyesining Uyghur diyaridiki pa'aliyetliri heqqide söz qilip “Xitay armiyesi sherqiy türkistandiki Uyghurlarni herqachan düshmen, dep qaraydu. Ularning yoqitish obyékti del mushu ‛düshmen‚ dep qariliwatqan Uyghurlar” deydu.

Xitay re'isi shi jinping téxi yéqinda Uyghur diyaridiki qoralliq saqchi bash etriti qarmiqidiki bir etretke “Térrorluqqa qarshi zerbidarlar etriti” dep nam bergen hemde ularning Uyghurlarni basturush herikitini teqdirligenidi.

Xitay metbu'atliri “Shemsher etret” dep atalghan alahide herbiy qoshunning bir qétimliq weqedila 17 qoralsiz Uyghurni étip öltürgenliki we köp sandiki ademni tutqun qilghanliqi, bir ofitsérning bir qétimdila 6 Uyghurni étip öltürgenlikini “Qehrimanliq” dep xewer tartqatnqanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet