Xitayda "Halal" liq heqqidiki chüshenchilerni cheklesh shamili bash kötürmekte

Muxbirimiz eziz
2017-09-20
Share

Alaqidar uchur menbelirining qeyt qilishiche, Uyghurlar diyarida "Halal" belgilirining cheklinishi yolgha qoyulghandin kéyin, "Halal" liq heqqidiki wehime we "Halal" liqni cheklesh teshebbusliri xitayning ichkiri ölkiliridiki bir qisim jaylarda bash kötürüwatqanliqi melum.

"Wéybo", "Sina" qatarliq ijtima'iy munberlerdiki inkaslargha qarighanda, xitaydiki chong uniwérsitétlardin bolghan yentey uniwérsitétining musulmanche oqughuchilar ashxanisini tungganlar kötüre éliwalghandin kéyin, ashxanining zaligha meschitlerning renglik süriti, "Qur'an" we "Hedis" lerdin tallanma jümlilerni chaplighan iken. Shuning bilen birge ashxanining ichidiki kitab ishkapigha "Néme üchün musulmanlar haraq ichmeydu?", "Néme üchün musulmanlar choshqa göshi yémeydu?" dégendek mawzulardiki sawat xaraktérlik kitablarni tizip qoyghan iken. Emma yéqindin buyan alaqidar tarmaqlar musulmanlar ashxanisidiki bu hadisilerni "Oqutquchi we oqughuchilargha islam dinini tarqitishqa urun'ghanliq", dep eyibligen. Shundaqla ma'aripning din bilen qarimu-qarshi ikenlikini eslitip, "Mektep qorusi diniy teshwiqat pa'aliyetlirini qet'iy tosushi lazim", dep tekitligen.

Oqurmenler teminligen yene bir uchurda körsitilishiche, sichüen ölkisining chéngdu shehiridiki bir dangliq réstoran ashkara uqturush chiqirip, "Yuqiri derijilik dölet organlirining telipi hemde bazardiki halal mehsulatlarni yoqitish herikitining rohigha bina'en halal belgilirini bundin kéyin ishletmeslikni qarar qilduq", dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.