Хитай һөкүмитигә җасуслуқ қилған журналист тайландта из ‏-дерәксиз йоқап кәткән

2015-Йили өктәбирдә хитайдин һиндистанға қечип кәткән журналист, ли шин йеқинда тайландта из-дерәксиз йоқап кәткән. Ли шин қечип кәткәндин кейин у өзиниң илгири хитай һөкүмитигә җасуслуқ қилғанлиқини илгири сүргән иди.

Ли шинниң аяли хе фаңпиң җүмә күни бирләшмә агентлиқиға бәргән учурида, ериниң 11‏-январ тайландниң баңкок шәһиридин ноңкай шәһиригә кетиветип, пойизда из-дерәксиз йоқап кәткәнликини, униң хитайға қайтуруп келингән болуши мумкинликини билдүргән.

Ли шин өткән йили өктәбирдә һиндистанға қечип чиқип, бирләшмә агентлиқи мухбириға өзиниң буниңдин кейин хитай һөкүмәт даирилиригә җасуслуқ қилиштин ваз кәчкәнликини елан қилған иди.
Ли шин кейинрәк тайландқа барған. Ли шинниң аяли ериниң из-дерәксиз йоқап кетиштин бурун сиясий панаһлиқ тиләшкә тәйярлиқ қиливатқанлиқини билдүргән.

Әгәр ли шинни раст хитай аманлиқ органлири қайтуруп кәткән болса, бу, хитай аманлиқ органлириниң шәрқий җәнуби асияда өктичиләргә қарши наһайити актип һәрикәт қиливатқанлиқиниң йәнә бир дәлили.

2015‏-Йили өктәбирдә, шиветсийә тәвәликидики хоңкоңлуқ китабпуруш гуй тайландта из‏-дерәксиз йоқап кәткән. Кейинрәк уни хитай аманлиқ органлириниң қайтуруп кәткәнлики мәлум болған иди.