Хитай җәнубий деңиз мәсилисидә наразилиқ инкас қайтурди

Мухбиримиз үмидвар
2015.05.31
Share on WhatsApp
Share on WhatsApp


Америка дөләт мудапиә министири әштон картер җәнубий хитай деңиздики талаш - тартиш районида һәр қандақ паалийәтләрни тохтитишни,чүнки бу һәрикәтләрниң район вәзийитини миқимсизлаштуридиғанлиқини билдүрди. Әштон картер бу сөзини сингапурда ечиливатқан асия - тинч окян райони бихәтәрлик йиғинида қилған һәмдә у хитайниң райондики һәрикитиниң хәлқара өлчәмләргә мувапиқ әмәсликини илгири сүргән иди.

Америка авазиниң хәвәр қилишичә, йиғин җәрянида йән америка, японийә, австралийә бирләшмә баянат елан қилип; хитайдин җәнубий деңизда арал қурушни тохтитишни тәләп қилған.

31 - Май күни йиғинға қатнишиватқан хитай вәкилләр өмикиниң башлиқи, хитай армийәсиң муавин шитаб башлиқи сун җйәнго сөз қилип, америкиниң җәнубий деңиз араллири мәсилисидә хитайға болған тәнқидини қаттиқ рәт қилип, хитайниң җәнубий деңиздики арал қуруш ишлириниң “тоғра, қанунлуқ вә йоллуқ”икәнликини көрсәтти.

Әштон картерниң сөзидин кейин хитай ташқи ишлар баянатчиси хуа чүнйиң инкас қайтуруп, “хитайниң җәнуби деңиз тақим араллиридики һәрикитиниң хитайниң игилик һоқуқ даириси ичидики иш икәнлики>ни көрситип, “, җәнубий деңиз мәсилиси америка билән хитай арисидики мәсилә болмаслиқи керәк” дегән.

Хитайниң талаш - тартиш үстидики деңиз районида сүний арал қуруши вә башқа паалийәтлиригә қарита райондики дөләтләр наразилиқ билдүрүп кәлмәктә иди. Талаш - тартиштики араллар мәсилиси узундин буян хитай, филиппин, вйетнам вә башқа дөләтләр арисидики ихтилап нуқтисиға айлинип, район вәзийитидики муқимсизлиқ амиллириниң биригә айланған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.