Amérika dölet mejliside xitay hökümitining Uyghur élida sadir qilghan jinayetlirini tekshürüsh heqqide qarar layihesi tonushturulghan

Muxbirimiz irade
2021-03-25
Share

23-Mart küni amérika dölet mejlisidiki her ikki partiyege wekillik qilidighan mejlis ezaliri xitay hökümitining Uyghurlargha yürgüzüwatqan zulumini eyiblesh we rayonda élip bérilghan jinayetler üstidin xelq'araliq musteqil tekshürüsh yürgüzüsh heqqide bir qarar layihesi tonushturghan.

Dölet mejlisi tor bétidiki uqturushtin qarighanda, amérika dölet mejlisi sherqiy asiya tashqiy munasiwetler komitétining ezasi bolghan mit romniy 23-mart küni kéngesh palata ezasi kiris kons, marko rubi'o, édward markéy, bil xagérti we tim keyn qatarliqlar bilen bille, xitay hökümitining Uyghur we bashqa az sanliq milletlerge qilghan mu'amilisini eyiblesh we u yerde yürgüzülüwatqan xorlash we bashqa jinayetlerni tekshürüsh heqqide bir qarar layihesini tonushturghan.

Kéngesh palata ezasi romnéy mundaq dégen: "Xitay kommunistik partiyesi shinjang Uyghur aptonom rayonidiki Uyghur we bashqa az sanliq milletlerge irqiy qirghinchiliq yürgüzüwatidu, biz bu qarar layihesi arqiliq ulargha qilin'ghan jinayetler üstidin xelq'araliq tekshürüsh telep qilimiz."

Bu heqtiki bayanatta yene yuqirida ismi tilgha élin'ghan kons, marko rubiyo qatarliq kéngesh palata ezaliri ayrim-ayrim söz qilip, amérika hökümiti we uning ittipaqdashlirining choqum Uyghurlargha yürgüzülüwatqan jinayetlerni sürüshte qilishi kéreklikini we xitayning choqum jawabkarliqqa tartishi kéreklikini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet