“бир бәлвағ, бир йол” қурулуши хитай карханилириға зор иқтисадий мәнпәәт елип кәлмәктә

Хитай һөкүмити үч йилдин буян йолға қоюп келиватқан “бир бәлвағ бир йол қурулуши” әслидә қәдимий “йипәк йоли” бойидики һәрқайси мәмликәтләр вә районлар оттурисида иқтисадий алақини вә һәмкарлиқни җанландуруш мәқситидә түзүлгән иди.

Әмма түрлүк мәлуматлар мәзкур сиясәтниң иҗра қилиниш даирисидики муһим районлардин болған уйғурлар диярида бу сиясәтниң асасий мәнпәәтдарлириниң йәрлик уйғурлар әмәс, бәлки хитай көчмәнлири болуватқанлиқини ишарәт қилмақта.

“хитай хәлқ радийо истансиси” ниң 23-өктәбирдики русчә хәвиридә үрүмчидики “ема ширкити” нуқтилиқ һалда тонуштурулған һәмдә хитайниң “бир бәлвағ бир йол” истратегийиси вуҗудқа чиқарған әмәлий үнүм сүпитидә тәсвирләнгән. Ширкәт директори чен чяң бу һәқтә тохтилип “биз һазир оттура асияда көплигән һул муәссә қурулуши билән мәшғул болуватимиз. Өзбекистандики 440 милйон сомлуқ көврүк қурулуши әнә шуларниң бири” дегән. Униң ейтишичә, униң ширкити йеқинда қазақистанда үч милярд сомлуқ ташйол қурулушини башлайдикән.

Мәлум болушичә, бу хилдики ширкәтләрниң ишчилири һәрқачан хитай өлкилиридин топланған хитай көчмәнлири болуп, йәрлик хәлқтин һечқандақ әмгәк күчи қобул қилинмайдикән. Мутәхәссисләр бу һални “ирқий кәмситиш һадисисиниң бир түрлүк ипадилиниши” дәп қараватқан болуп, уйғурлар дияридики бир қисим тоқунушларниң мана мушу хил хизмәт пурситидики тәңпуңсизлиқ түпәйлидин келип чиқиватқанлиқи алға сүрүлмәктә.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар