Xitay muhit teshkilati junggo néfit shirkitini mehkimige erz qildi
2013.11.29
“Xitay memliketlik muhit birleshmisi” namliq ammiwi teshkilatning jüme küni bildürüshiche, bu organ junggo néfit shirkitini muhitqa buzghunchiliq qilish bilen eyiblep mehkimige erz qilghan we junggo néfit shirkitining 10 milyon dollar tölem tölishini telep qilghan.
Mezkur teshkilatning ilgiri sürüshiche, junggo néfit shirkiti “Qanunsiz halda bulghighuchi maddilar” ni tarqitip, jilin ölkiside tupraq we yer asti suning bulghinishini keltürüp chiqarghan.
Junggo néfit shirkiti Uyghur aptonom rayonida néfit, tebi'iy gaz qézish meshghulati élip baridighan asasliq xitay shirketlirining biri.
Bir muhit teshkilatining dölet igilikidiki néfit shirkitini muhitqa buzghunchiliq qilish bilen eyiblep mehkimige erz qilishi xitayda az uchraydighan ehwal.
Ilgiri xitaydiki bezi muhit teshkilatliri junggo néfit shirkitining rusiye-xitay sibériye néfit turuba yolini rusiye fédératsiyesige qarashliq altay jumhuriyiti we Uyghur aptonom rayonining altay wilayitidin ötküzüp, xitaygha ulash pilanigha qarshi chiqqan. Bu pilan altay jumhuriyitining qarshi turushi seweblik emelge ashmighan idi.
Ékin xitay muhit teshkilatlirining bildürüshiche, bu xil erz-shikayetlerde sot eyiblen'güchi bilen til biriktürüwélip, ularning paydisigha höküm chiqiridiken.