Германийә иқтисад министири бейҗиңда хитай өктичиләрни қобул қилған

Мухбиримиз шөһрәт һошур
2016-11-02
Share

Германийә иқтисад министири сигмар габрил чаршәнбә күни бейҗиңдики герман әлчиханисида бир түркүм хитай өктичиләрни қобул қилған.

Ройтирисниң бу һәқтики хәвиридә баян қилинишичә, бу өктичиләр арисида сахароф мукапати саһиби хуҗя, тор язғуичиси му руңшүе қатарлиқлар бар болуп, министир буларни "хитай дөләт аппаратиниң аваригәрчиликини баштин кәчүргәнләр" дәп тәриплигән. Мәлум болушичә, көрүшкән өктичиләрниң арисида түрмидики бир адвокатниң аяли бар болуп, у хитай дөләт әрбаблири билән бу қетим елип берилидиған учришишлирида түрмидики адвокатларни қоюветишни ашкара оттуриға қойидиғанлиқини вә язма шәкилдә елан қилидиғанлиқини ейтқан.

Хәвәрләрдә дейилишичә, хитайда кишилик һоқуқ мәсилиси ши җинпиң дәвридә техиму сәзгүр бир темиға айланған, иҗтимаий паалийәтләргә қарита контроллуқ вә сиясий өктичиләргә қарита тазилаш һәрикәтлири йеқинқи 10 йил ичидики юқири пәллигә йәткән.

Мәлум болушичә, герман министир йолға чиқишниң алдида дуня уйғур қурултийи баш катипи долқун әйса мәзкур министирлиқтики хадимлар билән көрүшүп нөвәттики уйғур вәзийити һәққидә мәлумат бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт