Хитайниң 13-бәш йиллиқ заманиви қатнаш пиланида уйғур дияридики нуқтилар көрситилди

Мухбиримиз меһрибан
2017-02-28
Share

Хитай дөләт ишлири кабинети 28-феврал елан қилған "мәмликәтлик 13-бәш йиллиқ заманиви қатнаш пилани" ға уйғур дияридики шәһәрләрниң оттура асия вә җәнубий асия дөләтлиригә тутишидиған қатнаш линийилиридә 2020-йилғичә тез сүрәтлик пойизни омумлаштуруш, юқири сүрәтлик ташйол қурулушини тамамлаш тилға елинған.

Вәзийәт анализчилириниң қаришичә, хитай мәркизи һөкүмити қатнашни раваҗландурушни тәкитлигән нуқтилар, хитайниң оттура асиядики мустәқил дөләтләр арқилиқ явропа базириға йүзлиниш, пакистан, һиндистан арқилиқ җәнубий асия базирини ечиш истратегийилик пиланиға асасән бәлгиләнгән.

Хитай хәлқ торида елан қилинған мәзкур пилан һәққидики тәпсилий хәвәрдә, ғәрбий шималдики төмүрйол қатнаш линийиси тйәнҗин шәһиридин башлинип, қумул, турпан, корла, қәшқәр, турғут, хонҗирап еғизиға тутишиду. Қумулдин башлинидиған ғәрбий тақ линийә алтайниң җимунәй наһийисигә туташтурулиду, дейилгән. Хәвәрдә йәнә, лйәнйүнгаң төмүрйоли вә юқири сүрәтлик ташйолниң шиән, ләнҗу, үрүмчи, җиң наһийиси, алатав еғизи вә қорғасқа биваситә туташтурулидиғанлиқи, мәзкур қатнаш линийилириниң чиқими мәркизи һөкүмәт вә йәрлик өлкә, аптоном районларниң хам чот чиқимидин сәрп қилинидиғанлиқи тилға елинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт