“форбес” журнили: “хитай зор пул-муамилә кризисиға дуч кәлмәктә”

Мухбиримиз әркин
2022.10.03
Share on WhatsApp
Share on WhatsApp

Американиң “форбес” журнили 3-өктәбир елан қилған бир мақалидә, хитайниң пул-муамилә кризиси еғирлишиватқанлиқи, униң “зор кризискә дуч келиватқанлиқи” ни билдүргән. Мақалидә ейтилишичә, хитай банкилири аманәт қәрздин тартқан зиянлириға запас пул тәйяр қилишта хитай заюм базириға йүзләнгән болуп, заюм базири арқилиқ еришкән запас фонди өткән йилқидин 30 пирсәнт артқан. Мақалидә ейтилишичә, бу буниңдин бир йил аввал хитайниң әң чоң өй-мүлүк шеркити болған хеңда гуруһиниң 300 милярд доллар қәрзини төлийәмәйдиғанлиқни елан қилиши билән башланған кризисниң йәнә бир басқучи икән.

“форбес” журнилиниң язғучиси милтон әзрати тәрипидин қәләмгә елинған мәзкур мақалидә, хитайниң бу кризисниң кеңийишини тохтитиш үчүн кәскин тәдбир елишни рәт қилғанлиқини, бейҗиң кәскин тәдбир алмиғичә бу кризисниң давамлишидиғанлиқини билдүргән. Мақалидә йәнә пул-муамилә мәсилисиниң иқтисадқа ениқ тәсири болидиғанлиқи, хитай иқтисадиниң аҗизлиқ нуқтиси алиқачан рошәнләшкәнликини, гәрчә хитай һөкүмити ул әслиһәләргә көпләп мәбләғ салған болсиму, әмма бу униң бу йилқи иқтисадиниң ешишини 5.5 Пирсәткә йәткүзүш пиланидин көп төвән болуши мумкинликини билдүргән.

Мақалидә ейтилишичә, нурғун кишиләр хитай иқтисадиниң чөкүшини униң юқумға қарши карантин тәдбирлиригә бағлисиму вә буниң рол ойниши шүбһисиз болсиму, лекин буниңда бейҗиң вә ғәрб таратқулириниң сәл қаришиға қаримай пул муамилә кризисиниң чоңқур тәсири болидиғанлиқини ейтқан. Мақалидә ейтишичә, бейҗиң хеңда гуруһи қәрзни төлийәлмәйдиғанлиқини елан қилған вақитниң ‍өзидә дәрһал тәдбир қолланған болса, һазирқи иқтисадий изтираптин халий болғили болаттикән. Мақалидә бейҗиң даирилири тәдибр алмиғансири, хитайдики пул-муамилә кризиси тәсириниң техиму шиддәтлик болидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.