Ақсарай хитайни русийәниң украинаға қаратқан таҗавузини әйибләшкә чақирди

Мухбиримиз әркин
2022.02.28
Share on WhatsApp
Share on WhatsApp

Ақсарай 27-феврал күни русийәниң украинаға қаратқан таҗавузчилиқ һуҗуми давам қиливатқан, шундақла русийә президенти владимир путин ядро қораллиқ қисимлирини җиддий һаләткә өткүзгән бир вақитта, хитайни русийәниң таҗавузчилиқ һәркитини әйибләшкә чақирған.

Ройтерс агентлиқиниң хәвәр қилишичә, ақсарайниң баянатчиси җен саки хитайниң америка вә униң иттипақдашлири тәрипидин русийәгә қаритилған имбарго тәдбирлирини қисмән иҗра қилишқа башлиған вә ‍өткән һәптә украинаниң игилик һоқуқини қоллайдиғанлиқини ейтқан болсиму, бирақ хитайниң техиму көп ишларни қилиши керәкликини ениқ көрсәткән.

Җен саки 27-феврал MSNBC қанилиниң зияритини қобул қилғанда мундақ дегән: “һазир бир чәттә қарап турудиған вақит әмәс. Бу президент путин вә росийәниң игилик һоқуқлуқ бир дөләткә таҗавуз қилиш һәрикитигә аваз чиқиридиған вә уни әйибләйдиған бир пәйт.”

Җен сакиниң ейтишичә, президент байден йеқиндин бери хитай рәһбири ши җинпиң билән сөзлишип бақмиған болсиму, лекин униң йеқин кәлгүсидә икки тәрәп оттурисидики сөзлишиш еһтималлиқини чәткә қақмайдикән.

Җен саки йәнә “хитай рәһбәрлик қатлиминиң өзигә қарап беқиши, тарих китаблири йезилғанда, уларниң қәйәрдә турушни халайдиғанлиқини һәқиқий баһалап беқиши үчүнму муһим қәдәмләрниң барлиқи” ни билдүргән.

Русийә өткән һәптә украинаға туюқсиз һуҗум қозғиғандин кейин, хитайниң униңға тутқан позитсийәси “хитай русийәни йәң ичидә қоллаватамду‚ дегән гуман пәйда қилған. Хитай һөкүмити русийәниң һәркитини “таҗавузчилиқ” дәп аташни рәт қилған, шундақла русийәгә имбарго йүргүзүшкә қарши икәнликини билдүргән. Хитай өткән һәптә русийәниң һәркитини “таҗавузчилиқ” дәп аташни рәт қилғандин кейин, президент байден “русийәниң украинаға қаратқан очуқ-ашкара таҗавузчилиқиға көз юмған һәрқандақ бир дөләтниң шәнигә дағ тегидиғанлиқи” ни билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт