Amérikaning soda jazasigha duch kéliwatqan xitay, ottura asiya we pakistan arqiliq ziyanni toldurmaqchi bolghan

Washin'gtondin muxbirimiz irade teyyarlidi
2024.12.04

“Jenubiy xitay etigenlik pochtisi géziti” ning xewer qilishiche, amérikaning xitaygha Uyghur irqiy qirghinchiliqi we mejburiy emgiki siyasiti sewebidin qoyghan jaza tedbirlirining netijiside, xitayning ottura asiya we pakistan'gha bolghan éhtiyaji küchiyip ketken.

Xitay üchün éytqanda, ottura asiya döletliri we pakistanning istratégiyelik ehmiyiti künséri éshiwatqan bolup, xitay bu döletler arqiliq amérika we yawropa baziridin tartqan ziyinini toldurushning koyida iken.

Uyghur rayonluq hökümetning sanliq melumatlirigha qarighanda, 2023-yili Uyghur éli bilen ottura asiya döletlirining import-éksport omumiy qimmiti 283 milyard 670 milyon yüen'ge yetken bolup, aldinqi yilgha sélishturghanda% 50 yuqiri bolghan. Emma bir qisim közetküchiler bu tijariy munasiwetlerning dawamliq halda téz sür'ette örlep mangidighanliqigha guman bilen qarighan.

Shangxey ijtima'iy penler akadémiyesining ottura asiya mutexessisi li lifen yuqiridiki qarashni ilgiri sürüp: “Xitay bilen ottura asiya döletliri otturisidiki soda derhal kéngeymeydu, chünki her ikki terep gherbning ikkinchi derijilik jazasidin saqlinishqa tirishidu. Donald tramp wezipige olturghandin kéyinki weziyetke éniq bir nerse dégili bolmaydu, shunga tashqi soda munasiwetlirini men undaq téz ilgirileydu, dep qarimaymen” dégen.

U yene, xitayning ottura asiya bilen bolghan sodisining toluq tereqqiyati “Xitay-amérika munasiwiti yaxshilan'ghanda, rusiye-ukra'ina urushi axirlashqandila barliqqa kélishi mumkin” dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.